IPLIN
 
  • Home
  • India
  • ms dhoni army gloves in world cup match pakistan team namaz Tarek Fatah tweet

વિવાદ / લોકોનો આક્રોશઃ પાકિસ્તાની ખેલાડીઓ મેદાન પર આમ કરી શકે તો ધોનીના ગ્લવ્ઝ પર શું વાંધો?

Team VTV 09:48 PM, 07 Jun 19
Follow us
ms dhoni army gloves in world cup match pakistan team namaz Tarek Fatah tweet

ભારતીય ક્રિકેટ ટીમના સ્ટાર બેસ્ટમેન મહેન્દ્રસિંહ ધોનીના ગ્લવ્સનો વિવાદ વકર્યો છે. આઈસીસીએ ધોનીને આ ગ્લવ્સ સામે વિરોધ ઉઠાવ્યો હતો. તેના પર હવે બીસીસીઆઈએ ધોનીનો પક્ષ લઈને કંઈ ખોટું કર્યું ન હોવાની વાત કરી છે. ત્યારે હવે આ મામલે એક પત્રકારે ટ્વીટ કરીને આઈસીસીની બેવડી નીતિની વાત કરી હતી.

ઉલ્લેખનીય છે કે, આપણા દેશમાં ક્રિકેટનો કોઈ ધર્મ નથી, પરંતુ ક્રિકેટ ખુદ જ એક ધર્મ છે! વાત જ્યારે ક્રિકેટની રમતથી દેશભક્તિ સુધી પહોંચે છે, તો ભારતીય ફેન્સનાં જોશ આગળ કોઈ ટકી શકતુ નથી. પછી ભલે તે ક્રિકેટર્સને ભગવાનનો દરજ્જો આપવાની વાત હોય કે પછી સેનાનાં સમર્થનની, દેશવાસીઓ ઝનૂનની સાથે દર વખતે ઊભા રહે છે. 

સાઉથ આફ્રિકા સામે ભારતે વર્લ્ડ કપ 2019ની પહેલી મેચ રમી જેમાં મહેન્દ્રસિંહ ધોનીએ બલિદાન બેઝ પહેર્યો હતો જેના કારણે વિવાદ થયો છે. આ વિવાદ પર પાકિસ્તાનનાં જ તારિક ફતેહે વાંધો બતાવ્યો છે. ફતેહે કહ્યું કે, જ્યારે પાકિસ્તાની ટીમ રમતનાં મેદાન પર નમાજ પઢે છે તો આઈસીસીને પરેશાની કેમ નથી થતી? 

પરંતુ જ્યારે કોઈ ખેલાડી પોતાના ગ્લવ્સ પર એક નિશાન લગાવી દે છે તો તેમને આનાથી કેમ સમસ્યા થઈ રહી છે? ઉલ્લેખનીય છે કે આઈસીસીએ મહેન્દ્ર સિંહ ધોનીનાં ગ્લવ્સ પર પેરા મિલિટ્રી ફૉર્સનાં બલિદાન બેઝનાં નિશાનને હટાવવાનો આદેશ કર્યો છે.

ઉલ્લેખનીય છે કે ધોનના ગ્લવ્ઝને લઈને હાલ વિવાદ ચાલી રહ્યો હતો. ત્યારે આ પાકિસ્તાની પત્રકારે વિવાદમાં પેટ્રોલ નાંખવાનું કામ કર્યું છે. જયારે આ મામલે લોકોનું માનવું છે કે, મેદાન પર ખેલાડીઓ નમાઝ પઢી શકે છે તો પછી ધોનીનાં ગ્લવ્ઝ પર સેનાનાં બેઝનાં નિશાનને પહેરીને રમવામાં આઈસીસીને શું વાંધો છે? ફેન્સ આઈસીસીનાં આદેશને માનવા તૈયાર નથી અને હવે આને સેનાનાં સમ્માન સાથે જોડ્યું છે. અને દેશના લોકો હાલ આ મામલે સોશિયલ મીડિયા પર કેમ્પેઈન ચલાવી રહ્યા છે.

MS Dhoni army gloves world cup match pakistan team namaz Tarek Fatah
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ