વાયરલ / ક્રિકેટ છોડ્યા બાદ હવે આ ગેમમાં ઈન્ટ્રેસ્ટ બતાવી રહ્યો છે MS ધોની, અમેરિકાથી વાયરલ થયો VIDEO

• સોશિયલ મીડિયા પર ધોનીનો વીડિયો વાયરલ 
• અમેરિકામાં ટેનિસ ગ્રેડસ્લેમ યુએસ ઓપન જોવા પહોંચ્યા 
• કપિલ દેવ અને ધોનીએ એન્જોય કરી મેચ 

કપિલ દેવ અને મહેન્દ્ર સિંહ ધોની જેમણે પોતાની કેપ્ટન્સીમાં ભારતને ક્રિકેટ વર્લ્ડ કપ જીતાડ્યો હતો તે અમેરિકા પહોંચી ગયા છે. બંને દિગ્ગજ એક વીડિયોમાં જોવા મળ્યા હતા. ખાસ વાત એ છે કે બંને ક્રિકેટ નહીં પરંતુ ટેનિસ મેચ એન્જોય કરી રહ્યા છે. આ વીડિયો ટેનિસ ગ્રાન્ડ સ્લેમ યુએસ ઓપન દરમિયાનનો છે. બ્રોડકાસ્ટર દ્વારા શેર કરવામાં આવેલા વીડિયોમાં ધોની અને કપિલ દેવ જોવા મળી રહ્યા છે.

Indian cricketing royalty at the #USOpen 🇮🇳🏏🎾

Two former Indian World Cup winning captains, @msdhoni and @therealkapildev graced the stands at Arthur Ashe yesterday as two young future Champions battled it out for 5 hours and 15 minutes 🤩#GoBigOrGoHome #SonySportsNetwork pic.twitter.com/e7CCgHJOMZ

— Sony Sports Network (@SonySportsNetwk) September 9, 2022

આર્થર-એશ સ્ટેડિયમમાં જોવા મળ્યા 
યુએસ ઓપન-2022 દરમિયાન આર્થર-એશ સ્ટેડિયમમાં ટીમ ઈન્ડિયાના દિગ્ગજ અને પૂર્વ કેપ્ટન બંને જોવા મળ્યા હતા. દર્શકોથી ભરેલા સ્ટેડિયમમાં બન્નેની ઝલક સ્ક્રીન પર દર્શાવવામાં આવી હતી. ધોનીની પ્રથમ ઝલક જોવા મળી હતી. તે અન્ય વ્યક્તિ સાથે વાત કરી રહ્યો હતો. આ પછી કપિલ દેવ સ્ક્રીન પર દેખાયા હતા.

ધોનીએ હાથ હલાવતા જ લોકો થઈ ગયો ખુશ 
સોશિયલ મીડિયા પર એક વીડિયો શેર કરવામાં આવ્યો છે. જેમાં ધોની અને કપિલ દેવ સ્ટેડિયમમાં બેઠેલા જોવા મળે છે. ધોનીને જોતા જ ફેન્સ અવાજ કરવા લાગ્યા. તેણે હાથ પણ હલાવ્યો. ત્યારે જ લોકો વધારે અવાજ કરે છે.