IPL / હાર પછી ધોનીએ કહ્યુ, 'રસપ્રદ મેચ, ટીમો એકબીજાને ટ્રોફી પાસ કરી રહી હતી'

હૈદરાબાદમાં રમાયેલી મેચમાં રોહિત શર્માની ટીમે પહેલા બેટિંગ કરીને નિશ્ચિત 20 ઑવરમાં 8 વિકેટ ગુમાવીને 149 રન કર્યા. તેના માટે સૌથી વધારે પોલાર્ડે 25 બૉલમાં 3 બાઉન્ડ્રી અને 3 સિક્સર્સ ફટકારીને 41 રન કર્યા. જવાબમાં ચેન્નાઇ સુપરિંગ્સે 9 વિકેટ પર 148 રન બનાવ્યા અને એકમાત્ર રનથી જીતથી દૂર રહી. 

જોકે મેચ પછી ચેન્નાઇ સુપર કિંગ્સના કેપ્ટન મહેન્દ્ર સિંહ ધોની પોતાના કેપ્ટન કૂલ અંદાજમાં જોવા મળ્યો. મુંબઇમાં 1 રનથી ફાઇનલ હારવા પર ધોનીએ કહ્યુ કે, ''મેચ ઘણી રસપ્રદ હતી. બંને ટીમ એકબીજાને ટ્રોફી પાસ કરી રહી હતી.'' તમને જણાવી દઇએ કે, મેચમાં મુંબઇની તરફથી 3 કેચ છોડવામાં આવ્યા અને ચેન્નાઇએ 2 વિકેટ રન આઉટથી ગુમાવી. ધોનીએ તે જ વાતનો ઉલ્લેખ કર્યો.

માત્ર 150 રનના ટાર્ગેટની મેચ હાર્યા પછી ધોનીએ કહ્યુ કે, ''ગેમ એવી હતી જેમાં સારુ કરવાની આશા હતી. ઘણી રસપ્રદ ગેમ હતી. બંને ટીમ એકબીજાને ટ્રોફી પાસ કરી રહી હતી. બંને ટીમોએ ભૂલો કરી પરંતુ છેલ્લે તે જ ટીમ જીતે છે જેની ભૂલ ઓછી હોય.''

આગળ ધોનીએ ટીમના વખાણ તો કર્યા પરંતુ સાથે જ કહ્યુ કે, આ વર્ષ તેમાંથી ન હતુ જેમાં તેમની ટીમે સારું ક્રિકેટ રમ્યુ હોય. ધોનીએ કહ્યુ કે, ''અમારો મિડલ ઑર્ડર સતત ફ્લોપ રહ્યો, તેમ છતાં હજુ સુધી  અમે રહ્યા.'' જોકે ધોનીએ બૉલર્સના વખાણ કરતા કહ્યુ, ''તેમણુ પરર્ફોમન્સ સારું હતુ.''

ફાઇનલમાં હાર્યા પછી ચેન્નાઇના કેપ્ટને કહ્યુ કે, ''હવે ફોકસ વર્લ્ડકપ પર રહેશે.'' જોકે આગાની વર્ષના પ્લાન પર તેણે કહ્યુ કે, ''CSKની ટીમ સારી બૉલિંગ કરી રહી છે પરંતુ બેટિંગ પર વધારે ફોકસ કરવુ પડશે.''