પસંદગી / VIDEO : જય શાહે બતાવ્યું T20 World Cupમાં મેન્ટર બનવા કઈ રીતે તૈયાર થયા ધોની

• ટી-20 વર્લ્ડ કપ માટે ભારતીય ટીમમાં 15 ખેલાડીઓની કરાઈ જાહેરાત
• ધોનીને ટી-20 વર્લ્ડ કપ માટે ભારતીય ટીમના માર્ગદર્શક બનાવ્યાં
• ટી-20ના માસ્ટર બોલર તરીકે ઓળખાતા યુઝવેન્દ્ર ચહલની પસંદગી

ધોનીને ટી-20 વર્લ્ડ કપમાં ટીમના માર્ગદર્શક બનાવ્યાં

બીસીસીઆઈની સિનિયર પસંદગી સમિતિએ આ સિવાય એક મહત્વનો નિર્ણય કર્યો છે. પસંદગી સમિતિએ ભારતના પૂર્વ કેપ્ટન મહેન્દ્ર સિંહ ધોનીને ટી-20 વર્લ્ડ કપ માટે ભારતીય ક્રિકેટ ટીમના માર્ગદર્શક બનાવ્યાં છે. બીસીસીઆઈના સેક્રેટરી જય શાહે ખુલાસો કર્યો છે કે કેવીરીતે ધોનીને ટી-20 વર્લ્ડ કપમાં માર્ગદર્શક બનાવવા માટે રાજી કર્યા. 

મેં ટીમના મેનેજમેન્ટ સાથે વાતચીત કરી: જય શાહ

શાહે ટીમની પસંદગી કર્યા બાદ જણાવ્યું કે, તેમણે આ મામલે ધોની ઉપરાંત વિરાટ કોહલી, મુખ્ય કોચ રવિ શાસ્ત્રી અને આખી ટીમના મેનેજમેન્ટ સાથે વાત કરી હતી અને દરેક લોકો આ બાબતે સહમત હતા. ટી-20 વિશ્વ કપ માટે ભારતીય ટીમની જાહેરાત કર્યા બાદ શાહે વર્ચ્યુઅલી મીડિયા પત્રકાર પરિષદમાં કહ્યું, જ્યાં સુધી ધોનીની વાત છે તો મેં તેમની સાથે દુબઈમાં વાતચીત કરી હતી. તેમણે ફક્ત ટી-20 વિશ્વ કપ માટે માર્ગદર્શક બનવા માટે સહમતિ દર્શાવી હતી અને મેં મારા દરેક સાથીઓ સાથે આ અંગે ચર્ચા કરી હતી. જેના પર દરેક લોકો સહમત છે.

💬 💬 Mr. @msdhoni will join #TeamIndia for the upcoming #T20WorldCup as a mentor.

The announcement from Mr. @JayShah, Honorary Secretary, BCCI, which made the entire nation happy.👍 pic.twitter.com/2IaCynLT8J

— BCCI (@BCCI) September 8, 2021

ધોનીનો અનુભવ ટીમને સારું મનોબળ પુરૂ પાડશે

ભારતીય ક્રિકેટના ઈતિહાસમાં સૌથી સફળ કેપ્ટનમાંના એક વિકેટકીપર બેટ્સમેન ધોનીની આગેવાનીમાં ભારતીય ટીમે બે વિશ્વ કપના ખિતાબ-દક્ષિણ આફ્રિકામાં 2007માં ટી-20 વિશ્વ કપ અને ભારતમાં 2011નો વન-ડે વિશ્વ કપ જીત્યાં છે. એવામાં ધોનીનો અનુભવ અને તેમનું મગજ ભારતીય ટીમ માટે સારું મનોબળ પુરુ પાડી શકે છે.