MS Dhoni Birthday / બર્થ-ડે સેલિબ્રેશન બાદ અચાનક આ કામ કરવા સ્ટેડિયમ પહોંચ્યો ધોની, વાયરલ થઈ તસવીર

• આજે છે ધોનીનો 41નો જન્મદિવસ 
• જન્મદિવસ પર મેચ જોવા પહોંચ્યો ધોની 
• પત્નીએ સેલિબ્રેશનના ફોટો શેર કર્યા 

મહેન્દ્ર સિંહ ધોની આજે (7 જુલાઈ) પોતાનો 41મો જન્મદિવસ ઉજવી રહ્યો છે. ધોની વિશ્વના શ્રેષ્ઠ કેપ્ટન અને ફિનિશર્સમાંનો એક છે. ફેન્સે ધોનીને વિજયવાડામાં 41 ફૂટનો કટ આઉટ લગાવીને જન્મદિવસની શુભેચ્છા પાઠવી છે. ધોની હંમેશા તેની આક્રમક બેટિંગ માટે પ્રખ્યાત રહ્યો છે. તેના પાસે એવી કાબિલિયત છે કે તે કોઈ પણ બોલરનો પરસેવો પાડી દે. પોતાના બર્થ ડે પર ધોની એક ખાસ ખેલાડીની મેચ જોતો જોવા મળ્યો. 

Yellove All! 🦁viewing the 🐐! #ThalaAtWimbledon 🎾 #WhistlePodu 🦁💛 pic.twitter.com/yyPJXqHYCK

— Chennai Super Kings (@ChennaiIPL) July 6, 2022

આ ખેલાડીની મેચ જોતો જોવા મળ્યો ધોની
મહેન્દ્ર સિંહ ધોની ટેનિસ ગ્રાન્ડ સ્લેમ ટૂર્નામેન્ટ બિમ્બલ્ડનની મેચ જોવા પહોંચ્યો હતો. બિમ્બલ્ડનના સેન્ટર કોર્ટ પર રાફેલ નડાલ અને ટેલર ફ્રિટ્ઝ વચ્ચે મેચ ચાલી રહી હતી. ચેન્નાઈ સુપર કિંગ્સે પોતાના ટ્વિટર એકાઉન્ટ પરથી મહેન્દ્ર સિંહ ધોનીની એક તસવીર પોસ્ટ કરી છે. જેમાં તેણે લખ્યું છે કે 'યલો ઓલ મેચ જોતા'.

ધોની આ તસવીરમાં ગ્રે કલરનો સૂટ પહેરેલો જોવા મળી રહ્યો છે. ધોનીએ કાળા ચશ્મા પણ પહેર્યા છે. ધોની આજે 41 વર્ષનો થઈ ગયો છે અને તેણે પોતાને આ મેચ જોવાની ભેટ આપી છે. આ સાથે જ દિગ્ગજ ભારતીય ક્રિકેટર સુનીલ ગાવસ્કર પણ મેચ જોતા જોવા મળ્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by Sakshi Singh (@sakshisingh_r)

સાક્ષી સિંહે પોસ્ટ કર્યો વીડિયો 
સાક્ષી સિંહે તેના ઈન્સ્ટાગ્રામ એકાઉન્ટ પરથી એક વીડિયો પોસ્ટ કર્યો છે. જેમાં મહેન્દ્ર સિંહ ધોની કેક કાપતો જોવા મળી રહ્યો છે. જેમાં તેની પાછળ માહી લખેલુ જોવા મળી રહ્યુ છે. આ વીડિયો સોશિયલ મીડિયા પર વાયરલ થઈ રહ્યો છે. ધોનીએ વર્ષ 2010માં સાક્ષી સિંહ સાથે લગ્ન કર્યા હતા. બંનેને એક પુત્રી પણ છે જેનું નામ જીવા છે. ધોનીની કેપ્ટનસીમાં ભારતે ત્રણેય ICC ટ્રોફી જીતી છે.