બોલીવુડ અભિનેતા આમિર ખાનને મિસ્ટર પરફેક્શનિસ્ટના નામથી પણ ઓળખવામાં આવે છે. એવુ કોઈ કામ નથી જે આમિર ખાન ના કરી શકે પરંતુ હાલમાં એક વીડિયો વાયરલ થઇ રહ્યો છે. જેમાં આમિર ખાને બીજા અભિનેતાઓ સામે ઘૂંટણિયે પડી ગયા.
ઘણુ શિખવાડ્યુ છતાં આમિર ખાનને સિગ્નેચર સ્ટેપ ના આવડ્યા
આમિર ના કરી શક્યા સિગ્નેચર સ્ટેપ
આમિર ખાને સાઉથ ઈન્ડિયન ફિલ્મ ઈન્ડસ્ટ્રીના અભિનેતાઓની ડાન્સિંગ સ્કીલ આગળ હાર માની લીધી. નિર્દેશક આર એસ રાજામૌલીની મોસ્ટ અવેઈટેડ ફિલ્મ આર આર આરની આખી ટીમ સારું પ્રમોશન કરી રહી છે. જે ક્રમમાં આમિર ખાન, આલિયા ભટ્ટ, રામ ચરણ અને જુનિયર એનટીઆર રવિવારે દિલ્હીમાં ફિલ્મના પ્રમોશન માટે પહોંચ્યા હતા. સ્ટારકાસ્ટની એક ઝલક જોવા માટે કનાટ પ્લેસમાં ખૂબ ભીડ જમા થઇ હતી. પ્રમોશન દરમ્યાન કલાકારોએ ખૂબ મસ્તી કરી હતી. એટલું જ નહીં, રામ ચરણ અને જુનિયર એનટીઆરે નાટો નાટોના સિગ્નેચર સ્ટેપ્સ આમિર ખાનને શિખવાડ્યા. ફિલ્મના પ્રમોશનની શરૂઆત ગુજરાતના સ્ટેચ્યુ ઑફ યુનિટીથી કરવામાં આવી હતી.
ઉલ્લેખનીય છે કે રામ ચરણ અને જુનિયર એનટીઆરની મેગા બજેટવાળી ફિલ્મ RRR આ મહિને 25 માર્ચે થિયેટર્સમાં રીલીઝ કરવામાં આવશે. આ ફિલ્મમાં બોલીવુડ અભિનેત્રી આલિયા ભટ્ટ પણ મુખ્ય રોલમાં છે. જ્યારે અજય દેવગણ પણ મુખ્ય ભૂમિકામાં જોવા મળશે. આ ફિલ્મની પ્રશંસકો આતુરતાપૂર્વક રાહ જોઇ રહ્યાં હતા અને આખરે લાંબા સમય પછી આ ફિલ્મ રીલીઝ થઇ રહી છે. ફિલ્મ રીલીઝ પહેલા ખૂબ જ ચર્ચિત બની છે. નિર્માતાઓને ફિલ્મ હિટ થવાની ઘણી આશા છે. આ દરમ્યાન ફિલ્મના કલાકાર નિર્દેશક રાજામૌલીના વ્યવહારને લઇને પણ ઘણા ખુલાસા કરી રહ્યાં છે. અભિનેતા રામ ચરણે ખુલાસો કર્યો કે એક વખત તેઓ રાજામૌલીના વ્યવહારથી પણ ચિડાઈ ગયા હતા.