રાજકોટમાં યાજ્ઞિક રોડ સર્વેશ્વર ચોકમાં આવેલી મિસ્ટર પાનવાલા નામની પેઢી વિવાદમાં સપડાઇ છે. રૂપિયા 15થી લઇને 18 હજાર સુધીના પાનને લઇને સોશિયલ મીડિયામાં ધૂમ ચર્ચામાં આવેલા રાજકોટના મિસ્ટર પાનવાલા રાજકોટ અન્ય એક કારણસર ચર્ચામાં આવી ગયા છે.
મિસ્ટર પાનવાલા વિવાદમાં
અમેરિકાની કંપનીએ નામ મુદ્દે વાંધો ઉઠાવ્યો
કોપીરાઈટની ચીમકી આપી
રાજકોટના સર્વેશ્વર ચોકમાં આવેલી મિસ્ટર પાનવાલા પેઢી વિરૂદ્ધ અમેરિકાની કંપનીએ મિસ્ટર પાનવાલાના નામ મુદ્દે વાંધો ઉઠાવ્યો છે. અમેરિકાની કંપનીએ કોપીરાઈટની ચીમકી આપી છે. મિસ્ટર પાનવાલમાં રૂપિયા 15થી લઈને રૂપિયા 18 હજાર સુધીનું પાન મળે છે.
રાજકોટ મિસ્ટર પાનવાલાનો લોગો અને અમેરિકાના હેટફિલ્ડમાં વિશ્વ પ્રખ્યાત મિસ્ટર પાનવાલાનો લોગો સરખો જ છે. જેથી અમેરિકા સ્થિત મિસ્ટર પાનવાલાએ તેમના સોશિયલ માધ્યમો દ્વારા સ્પષ્ટતા કરી છે કે તેમની અન્ય કોઇ શાખા નથી. જોકે વાત તો એવી પણ મળી રહી છે કે અમેરિકા સ્થિત મિસ્ટર પાનવાલા કાયદાકીય કાર્યવાહી પણ કરે તેવી શક્યતા છે. જેને લઇને સોશિયલ મીડિયામાં મોંઘામૂલા પાનને લઇને ચર્ચામાં આવેલા રાજકોટના મિસ્ટર પાનવાલાના માલિક મુશ્કેલીમાં મુકાઇ શકે છે.