શુક્રવારે લોકસભામાં 80 સાંસદોએ પ્રાઈવેટ મેમ્બર બિલ રજૂ કર્યા હતા. જેમાં વિવિધ મુદ્દાઓને સમાવેશ કરવામાં આવ્યો છે.
લોકસભામાં પ્રાઈવેટ મેમ્બરે રજૂ કર્યા બિલ
પોતાના રાજ્યની ડિમાન્ડ સહિત આ માગ પર બિલ મુક્યા
એક દિવસમાં આવ્યા 80 પ્રાઈવેટ મેમ્બર બિલ
શુક્રવારે લોકસભામાં 80 સાંસદોએ પ્રાઈવેટ મેમ્બર બિલ રજૂ કર્યા હતા. આ બિલમાં સાંસદોએ યુનિફોર્મ સિવિલ કોડ, સ્કૂલોમાં ફરજિયાત સંસ્કૃત ભણાવવું, વોટિંગની અનિવાર્યતા, બેરોજગારી ભથ્થા આપવા, જનસંખ્યા નિયંત્રણ, ફર્સ્ટ એડની ટ્રેનિંગ, આયુર્વેદિક ઉપચારને ઈંશ્યોરંસમાં કવર વગેરેથી લઈને હિંદુ મેરિજ એક્ટ, મનરેગા, UGC એક્ટ, સેન્ટ્રલ યુનિવર્સિટી એક્ટ, CRPC અને IPC સહિત વિવિધ કાયદા તથા સંવિધાન સંશોધનની માગ કરવામાં આવી છે.
પ્રાઈવેટ મેમ્બર બિલ વિશેની મહત્વની જાણકારી
એક સાંસદ, જે મંત્રી નથી, તે પ્રાઈવેટ મેમ્બર હોય છે.
તેમના દ્વારા લાવવામાં આવતુ બિલ પ્રાઈવેટ મેમ્બર બિલ કહેવાય છે
આ મેમ્બરનું બિલ સાંસદ અથવા તેમનો સ્ટાફ ડ્રાફ્ટ કરે છે
બિલ રજૂ કરતા પહેલા એક મહિનાની નોટિસ આપવી પડે છે.
પ્રાઈવેટ મેમ્બર બિલ ફક્ત શુક્રવારે જ સંસદમાં રજૂ થાય છે.
બિલને મંજૂરી આપવાનો અધિકાર લોકસભા સ્પિકર અને રાજ્યસભાના ચેરમેનને જ હોય છે
સાંસદોએ રાખી છે આવી ડિમાન્ડ
ઉન્મેશ ભૈયા સાહસ પાટિલે મહારાષ્ટ્રમાં નેશનલ વોટર યુનિવર્સિટી બનાવાની માગ કરી છે. તો વળી રાજસ્થાનના સાંસદ સીપી જોશી અને મધ્ય પ્રદેશના સુધીર ગુપ્તાએ પોતાના રાજ્યમાં જળાશયોને બચાવવા તથા તેની જાળવણી માટે બિલ રજૂ કર્યા હતા. રાઈટ ટુ એડિક્વેટ હાઉસિંગની વાત ગોપાલ ચિન્મય શેટ્ટીએ રાખી હતી. તેના દ્વારા દરેક ઘરમાં એક ટોયલેટ બનાવાની માગ કરી છે.
25 વર્ષમાં ફક્ત 2-3 ટકા મેમ્બર બિલ પર ચર્ચા થઈ
અશોક મહાદેવ રાવે વિદર્ભને અલગ રાજ્યનો દરજ્જો આપવા અને બેરોજગારી ભથ્થાની માગ રાખી હતી. 2021ના શિયાળુ સત્રમાં 3 ડિસેમ્બરને એક દિવસમાં સૌથી વધારે 145 બિલ રજૂ થયા હતા. ગત વર્ષે ચોમાસુ સત્ર બાદ લોકસભામાં 134 બિલ વિચારાધીન હતા. 25 વર્ષમાં ફક્ત 2થી 3 ટકા પ્રાઈવેટ મેમ્બર બિલની જ ચર્ચા થઈ છે. આ બિલ જો પાસ ન થાય તો, લોકસભાનો કાર્યકાળ પુરો થવા પર તે પોતાની જાતે ખતમ થઈ જાય છે. તો વળી રાજ્યસભામાં સાંસદનો કાર્યકાળ પુરો થવા પર બિલ ખતમ થઈ જાય છે.
સંસદીય ઈતિહાસમાં રજૂ થયેલા કેટલાય હજારો બિલોમાં ફક્ત 14 બિલ જ કાયદો બની શક્યા છે. 1970 બાદ અત્યાર સુધીમાં લગભગ અઢી હજારથી વધારે પ્રાઈવેટ મેમ્બર બિલ સંસદમાં રજૂ થયા છે. આ પ્રાઈવેટ મેમ્બર બિલમાંથી એક પણ બિલ પાસ થઈ શક્યુ નથી.