નવી જવાબદારી / જુઓ ગુજરાતના નેતાઓને મોદી કેબિનેટમાં કયું કયું મંત્રાલય અપાયું

Shyam

Last Updated: 08:45 PM, 15 August 2021

FOLLOW ON

શેર કરો

મનસુખ માંડવિયાને દેશના સ્વાસ્થય મંત્રી તરીકેની સૌથી મોટી જવાબદારી અપાઈ ચૂકી, ડૉ.હર્ષવર્ધનની જગ્યાએ હવે દેશના નવા સ્વાસ્થય મંત્રી તરીકે કામગીરી ગુજરાતીના માથે સોંપાઈ

સાયન્સ અને ટેકનોલોજી પર PM મોદી પોતે નજર રાખશે
મનસુખ માંડવિયાને સ્વાસ્થ્ય મંત્રાલયની મોટી જવાબદારી
સ્મૃતિ ઇરાનીને મહિલા બાલ વિકાસ મંત્રાલય

ગુજરાતમાંથી નવા ત્રણ સાંસદોને કેબિનેટમાં સ્થાન અપાયું છે. તો તેની સાથે મનસુખ માંડવિયાને દેશના સ્વાસ્થય મંત્રી તરીકેની સૌથી મોટી જવાબદારી અપાઈ ચૂકી છે. ડૉ.હર્ષવર્ધનની જગ્યાએ હવે દેશના નવા સ્વાસ્થય મંત્રી તરીકે કામગીરી ગુજરાતીના માથે સોંપાઈ છે. દેશમાં સંભવિત ત્રીજી લહેર અગાઉ મનસુખ માંડવિયાને મોટી જવાબદારી આપી છે. તો આ સાથે પરસોત્તમ રૂપાલાને પણ મહત્વની જવાબદારી આપી છે. પરસોત્તમ રૂપાલાને પણ કેબિનેટમાં સ્થાન આપી ડેરી અને મસ્ત્ય વિભાગની જવાબદારી સોંપાઈ છે.

ગુજરાતમાંથી કેન્દ્રમાં મંત્રીઓને મળી આ જવાબદારી

ગૃહમંત્રી અમિત શાહ સંભાળશે મિનિસ્ટ્રી ઑફ કૉ-ઓપરેશનનો વધારાનો પ્રભાર
મનસુખ માંડવિયા બન્યા દેશના નવા કેન્દ્રીય સ્વાસ્થ્ય મંત્રી
પરસોત્તમ રૂપાલાને ડેરી અને મત્સ્ય ઉદ્યોગની જવાબદારી
મહેન્દ્રભાઈ મુંજપરા મહિલા અને બાળ વિકાસના રાજ્યમંત્રી બનાવાયા
દેવુસિંહ ચૌહાણને સૂચના મંત્રાલયમાં રાજ્યકક્ષાના મંત્રી બનાવાયા
દર્શના જરદોશને ટેક્સટાઇલ અને રેલવે મંત્રાલયના રાજ્યકક્ષાના મંત્રી બનાવાયા

મોદી સરકારમાં ગુજરાતના બે નેતાઓ મનસુખ માંડવિયા અને પુરુષોતમ રુપાલાને પ્રમોશન આપીને તેમને કેબિનેટ મંત્રી બનાવાયા છે. આ બંને નેતાઓ પાટીદાર ચહેરો પણ છે. પાટીદારોના નેતાઓનું વધુ એક વરચસ્વ કેન્દ્રમાં સ્થાપિત થયું છે. મહત્વનું છે કે, ગુજરાતમાં વિધાનસભા ચૂંટણી પહેલા પાટીદાર સી.એમ તો નહીં. પરંતુ નારાજ પાટીદારો માટે કેન્દ્રમાં પરસોત્તમ રૂપાલા અને મનસુખ માંડવિયાનું કદ વધારી દેવાયું છે. આ સાથે રસપ્રદ વાત એપણ છે કે, પરસોત્તમ રૂપાલા એ કડવા પાટીદાર સમાજમાંથી આવે છે. જ્યારે મનસુખ માંડવિયા લેઉવા પાટીદાર સમાજમાંથી આવે છે. આમ પાટીદારોના બંને ઘડાને સમાન નેતૃત્વ પણ અપાયું છે.