બ્રિટનમાં ગૃહની કાર્યવાહી દરમિયાન એક સાંસદ પોર્ન જોતા મહિલાએ ફરિયાદ કરી હતી. જે મામલે જોનસને કહ્યું 'આ બિલકુલ અસ્વીકાર્ય છે.'
બ્રિટનમાં ગૃહની કાર્યવાહી દરમિયાન એક સાંસદ પર પોર્ન જોવાનો આરોપ
કોઈ પણ કાર્યસ્થળ પર આવી ફિલ્મો જોવી અસ્વીકાર્ય: બોરિસ જોનસન
હાજર મહિલા સાંસદે આ ઘટનાનો વિરોધ કર્યો હતો
બ્રિટનમાં ગૃહની કાર્યવાહી દરમિયાન એક સાંસદ પર પોર્ન જોવાનો આરોપ લાગ્યો હતો. ત્યારે આ મામલે બ્રિટિશ વડાપ્રધાન બોરિસ જોનસનની પ્રતિક્રિયા સામે આવી છે. ગુરુવારે પત્રકારો સાથેની વાતચીત દરમિયાન વડાપ્રધાન બોરિસ જોનસને કહ્યું કે, 'કોઈ પણ કાર્યસ્થળ પર આવી ફિલ્મો જોવી બિલકુલ અસ્વીકાર્ય છે.'
કાર્યસ્થળ પર કોઈ પણ વ્યક્તિની આ પ્રકારની હરકત સંપૂર્ણપણે અસ્વીકાર્ય
એક પ્રેસ કોન્ફરન્સ દરમિયાન પત્રકારોએ બોરિસ જોનસનને સવાલ પૂછ્યો હતો કે, સંસદની કાર્યવાહી દરમિયાન પોતાની જ પાર્ટીના સાંસદને જોઈને તમારું શું કહેવું છે? જેના જવાબમાં બ્રિટનના વડાપ્રધાને કહ્યું કે, કાર્યસ્થળ પર કોઈ પણ વ્યક્તિની આ પ્રકારની હરકત સંપૂર્ણપણે અસ્વીકાર્ય છે. તેઓએ કહ્યું કે, તમે શું કામ કરો છો તેનાથી કોઈ જ ફરક નથી પડતો, ફક્ત કામના સ્થળે આવાં વીડિયો ના જોઈ શકાય. આ અસ્વીકાર્ય છે.
જાણો શું છે સમગ્ર મામલો?
બ્રિટિશના કન્ઝર્વેટિવ પાર્ટીના સાંસદ પર સંસદની અંદર પોતાના ફોન પર પોર્ન ફિલ્મ જોવાનો આરોપ છે. ત્યાં હાજર મહિલા સાંસદે પણ તેનો વિરોધ કર્યો હતો. રિપોર્ટ અનુસાર, આ ઘટના બાદ મહિલા સાંસદે આ મામલે ફરિયાદ કરી હતી. આ મામલે અન્ય કેટલાંક સાંસદોએ પણ તેનો વિરોધ કર્યો છે.
કડકમાં કડક કાર્યવાહી કરવામાં આવે તેવી માંગ
કન્ઝર્વેટિવ વ્હિપ્સ ઓફિસે આ મામલે નિવેદન બહાર પાડ્યું છે. એ મુજબ ચીફ વ્હીપ ક્રિસ હીટન હેરિસ આ મામલાની તપાસ કરી રહ્યાં છે, આ પ્રકારનું વર્તન બિલકુલ સાંખી ન શકાય. આ સાથે જ કેસનો રિપોર્ટ આવતાની સાથે જ એવું કહેવામાં આવી રહ્યું છે કે, આરોપીઓ સામે કડકમાં કડક કાર્યવાહી કરવામાં આવશે.
ઘણાં અહેવાલોમાં એવો ઉલ્લેખ છે કે, આરોપી સાંસદો ટોરી પાર્ટીના છે. તમને જણાવી દઈએ કે, કન્ઝર્વેટિવ પાર્ટી 1834માં ટોરી પાર્ટીથી અલગ થયા બાદ અસ્તિત્વમાં આવી હતી. આવી સ્થિતિમાં ટોરી પાર્ટીને બ્રિટનમાં કન્ઝર્વેટિવ પાર્ટી તરીકે પણ ઓળખવામાં આવે છે. હાલ આ મામલાની વધુ તપાસ કરવામાં આવી રહી છે.