ચૂંટણી જંગ / મધ્યપ્રદેશમાં રાજયસભાની સીટ માટે કોંગ્રેસ-BJP વચ્ચે જામશે જંગ, આવું છે આંકડાકીય ગણિત

• રાજ્યસભાની 3 સીટ માટે થશે ચૂંટણી
• બીજેપી અને કોંગ્રેસની 1-1 સીટ પર વિજય નક્કી
• કોંગ્રેસની તરફથી દિગ્વિજય સિંહની જીત નક્કી

આવું છે આંકડાકીય ગણિત

રાજીનામું આપનારા મોટાભાગના ધારાસભ્યો જ્યોતિરાદિત્ય સિંધિયાના સમર્થકો છે, જેમણે મંગળવારે કોંગ્રેસમાંથી રાજીનામું આપ્યું હતું અને બુધવારે ભાજપમાં જોડાયા હતા. રાજ્યના 228 સદસ્યોમાં કોંગ્રેસના ધારાસભ્યોની સંખ્યા સત્તાવાર રીતે 114 છે, જ્યારે પક્ષને ચાર અપક્ષ, બે બહુજન સમાજ પાર્ટી અને એક ધારાસભ્યનો ટેકો પણ છે. બેંગલુરુમાં પડાવ, જો રાજ્યસભાની ચૂંટણીમાં મતદાન દરમિયાન 22 ધારાસભ્યોનું રાજીનામું સ્વીકારવામાં આવે અથવા તેઓ ગેરહાજર રહે, તો વિધાનસભાના સભ્યોની સંખ્યા 206 હશે.

બંને પાર્ટીઓ પાસે હશે આટલા ધારાસભ્યો, આ ધારાસભ્યો વચ્ચે જામશે જંગ

આવી સ્થિતિમાં કોંગ્રેસના માત્ર 92 સભ્યો હશે, જ્યારે ભાજપ પાસે 107 ધારાસભ્યો હશે. ભાજપના સિંધિયા અને કોંગ્રેસના દિગ્વિજય સિંઘ સરળતાથી જીતી જશે, કારણ કે તેઓ તેમના સંબંધિત પક્ષોની પહેલી પસંદગી છે. ત્રીજી બેઠક માટે ભાજપના સુમેરસિંહ સોલંકી અને કોંગ્રેસના ફૂલસિંહ બારૈયા વચ્ચે જંગ થશે. સોલંકીની ઉમેદવારીની જાહેરાત મંગળવારે કરવામાં આવી હતી અને તે રાષ્ટ્રીય સ્વયંસેવક સંઘ સાથે સંકળાયેલા છે. સંઘની વિવિધ યોજનાઓ હેઠળ તેઓ રાજ્યના આદિજાતિ વિસ્તારોમાં કામ કરી રહ્યા છે.