મધ્યપ્રદેશના રાજગઢના નરસિંહગઢમાં પોલીસે 5 ચોરને ઝડપીને 1.25 કરોડ રૂપિયાની કિંમતના રેડ સેંડ બોઆ સાપને બચાવી લીધો હતો. રવિવારે પાંચ ચોર આ સાપને લઇને બજારમાં વહેંચવા જતા હતા. ત્યારે જ સ્થાનિક પોલીસે આ તમામ ચોરને ઝડપીને સાપને બચાવી લીધો હતો.
આ સાપ બે મુખ ધરાવે છે અને તે બિનઝેરી છે. શિકાર વધારે પ્રમાણમાં થતો હોવાથી તે મળવો ખુબ જ મુશ્કેલ છે. ત્યારે આ સાપ સાથે 5 લોકોની પોલીસે ધરપકડ કરીને કાયદેસરની કાર્યવાહી હાથ ધરી છે.
પાંચ ચોરમાં 3 સગીર
પોલીસના જણાવ્યા પકડાયેલા પાંચ ચોરમાં 3 સગીર હોવાનું તપાસમાં ખુલવા પામ્યું છે. રાજગઢ જિલ્લાના નરસિંહગઢના પોલીસ સ્ટેશનના પ્રભારી કૈલાશ ભારદ્વાજે જણાવ્યું કે, અમે રવિવારના રોજ 2 મોઢાવાળો સાપની હેરફેર કરનારા 5 લોકોની ધરપકડ કરી છે. તેમના કબજામાંથી 2 મોઢાળા સાપને બચાવી લેવામાં આવ્યો છે.
વાઇલ્ડ લાઇફ પ્રોટેક્શન એક્ટ મુજબ નોંધાયો ગુનો
પોલીસે મીડિયાને જણાવ્યું કે, સાપનો ઉપયોગ દવા બનાવવા માટે, સૌંદર્ય પ્રશાધન અને કાળો જાદૂ કરવા માટે ઉપયોગમાં લેવામાં આવે છે. હાલ પોલીસે આ મામલે વાઇલ્ડ લાઇફ પ્રોટેક્શન એક્ટ મુજબ ગુનો નોંધ્યો છે.