મેરઠમાં ભાજપના સાંસદ સ્કૂટર પર નિકળ્યા અને પોલીસે રોકી લીધા, બાદમાં સાંસદે પોલીસનો ઉધડો લેતા અલ્ટીમેટમ આપી દીધું હતું.
યુપી ભાજપના નેતાને પોલીસે રોક્યા
ભાજપના સાંસદ મનોજ સિન્હાને મળવા સર્કિટ હાઉસ ગયા હતા
સ્કૂટરમાં હોવાથી પોલીસ ઓળખી શકી નહીં
ઉત્તર પ્રદેશ ભાજપના પૂર્વ પ્રદેશ અધ્યક્ષ અને રાજ્યસભા સાંસદ લક્ષ્મીકાંત વાજપેયી કારની જગ્યાએ સ્કૂટર લઈને શહેરમાં ફરવા નિકળ્યા હતા. મેરઠમાં આજે જ્યારે જમ્મુ કાશ્મીરના ઉપરાજ્યપાલ મનોજ સિન્હા સર્કિટ હાઉસ પહોંચ્યા તો, લક્ષ્મીકાંત વાજપેયી સ્કૂટર પર નિકળી સર્કિટ હાઉસમાં તેમને મળવા પહોંચ્યા હતા. પણ સર્કિટ હાઉસ ગેટ પર તૈનાત પોલીસવાળાઓએ તેમને સામાન્ય વ્યક્તિ સમજીને રોકી દીધા હતા.
લક્ષ્મીકાંત વાજપેયીએ પોતાનો પરિચય પણ આપ્યો, પણ પોલીસવાળાઓએ રાજ્યસભા સાંસદને સ્કૂટર પર હોવાથી ઓળખવા તૈયાર નહોતા. બાદમાં બોલાચાલી શરુ થઈ ગઈ, પછી તો શું સાંસદજી સ્કૂટર પર સ્ટેન્ડ લગાવીને બેસી ગયા. સર્કિટ હાઉસની અંદર જ્યારે ભાજપ નેતાઓને આ વાત ખબર પડી તો, પોલીસ ઓફિસર સાથે ગેટ પર પહોંચ્યા હતા, ભારે વિનંતી કર્યા બાદ આખરે સાંસદને અંદર લઈ આવ્યા.
सांसद लक्ष्मीकांत वाजपेयी पुलिस वालों पर भड़के, स्कूटी पर सवार होकर सड़क पर निकले सांसद जी को जब नही पहचान पाये पुलिस वाले @LKBajpaiBJPpic.twitter.com/3jS61exP5b
લક્ષ્મીકાંત વાજપેયીએ પોલીસને અલ્ટીમેટમ આપતા કહ્યું કે, આ મેરઠ છે રાવણનું સાસરિયું. મોટા મોટા તીસમારખાં જોયા છે. સારા સારા આવ્યા અને ગયા. હું કબડ્ડી રમવાનો શોખિન છું. હું કોઈના ટ્રાંસફર નથી કરાવતો. અહીં જ કરીસ અને છાતી પર ચડીને તાંડવ કરુ છું.આ વીડિયો હવે સોશિયલ મીડિયા પર ખૂબ વાયરલ થઈ રહ્યો છે.