મધ્યપ્રદેશનાં બહુચર્ચિત હની ટ્રેપ ઘટના મામલે મોટા નેતાઓ અને અધિકારીઓના શ્વાસ અધ્ધર થઈ ગયા છે. હની ટ્રેપ કેસ ખુલતા જ મોટા મોટા અધિકારીઓમાં ભારે ફફડાટ ફેલાઇ ગયો છે. પાંચ જેટલી સુંદર મહિલાઓએ પ્રેમજાળ રચીને અનેક લોકોને ફસાવ્યાં છે.
ઈન્દોરના નગમ નિગમના અધિકારી હરભજનસિંહ સસ્પેન્ડ
હનીટ્રેપ ગેંગે આપત્તિજનક વીડિયો ક્લિપ વાયરલ કરવાની ધમકી આપી હતી
આ મહિલાઓએ 20થી વધુ નેતાઓની અશ્લીલ ક્લિપ ઉતારી હોવાનું પણ સામે આવ્યું છે. જ્યાર બાદ અનેક નેતાઓ અને અધિકારીઓમાં ફફડાટ ફેલાઇ ગયો છે. IAS, IPS અધિકારીઓનાં પણ વીડિયો મહિલાઓ પાસે હોવાનો ખુલાસો થયો છે. હની ટ્રેપમાં ફસાયેલી યુવતીઓ પાસેથી કેટલીક સીડીઓ પણ મળી આવી છે. 90 જેટલી વીડિયો ક્લિપ આ મહિલાઓ પાસેથી મળી આવી છે. પ્રાથમિક ફરિયાદ દાખલ કરનારા ઈન્દોરના નગમ નિગમના અધિકારી હરભજનસિંહને સસ્પેન્ડ કરી દેવાયા છે. હરભજનસિંહની શંકાસ્પદ સંડોવણીનાં પગલે તેમને સસ્પેન્ડ કરવામાં આવ્યાં છે.
હરભજનસિંહની ફરિયાદ બાદ પોલીસે ઈન્દોર અને ભોપાલમાંથી 5 મહિલાઓ સહિત 6 લોકોને ઝડપી પાડ્યાં છે. નગમ નિગમનાં અધિકારી હરભજનસિંહે પોલીસને એવું પણ જણાવ્યું કે, હનીટ્રેપની ટોળકીએ આપત્તિજનક વીડિયો ક્લિપ વાયરલ કરવાની ધમકી આપી હતી અને 3 કરોડ રૂપિયાની ખંડણી પણ માંગી હતી. પોલીસે ઝડપેલા આરોપીઓની પૂછપરછ કરતા અનેક નવાનવા ખુલાસાઓ પણ થયા છે.
ઉલ્લેખનીય છે કે પોલીસે હરભજનસિંહની ફરિયાદ પર કેસ દાખલ કરીને ગુરૂવારનાં રોજ હનીટ્રેપ ગેંગનો ઔપચારિક ખુલાસો કર્યો હતો. ગેંગની પાંચ મહિલાઓ સહિત છ સભ્યોની ભોપાલ અને ઇન્દોરથી ધરપકડ કરી હતી. નગર નિગમ ઓફિસરે પોલીસને જણાવ્યું કે ગેંગે કેટલીક અશ્લીલ વીડિયો ક્લિપ ઉતારીને વાયરલ કરવાની ધમકી આપીને તેઓની પાસેથી 3 કરોડ રૂપિયાની માંગ કરી હતી. આ ક્લિપ ખાનગી રીતે તૈયાર કરવામાં આવી હતી.
વરિષ્ઠ પોલીસ અધિક્ષક (SSP) રૂચિવર્ધન મિશ્રાએ સંવાદદાતાઓને જણાવ્યું કે, પોલીસ ધરપકડમાં ગેંગની બે મહિલા આરોપીઓની તો પૂછપરછ કરવામાં આવી છે. તપાસમાં અમને કેટલાંક નવા પુરાવાઓ પણ મળ્યાં છે. જેનાં આધારે અમે ભોપાલ, રાજગઢ અને છતરપુર અને અન્ય સ્થળો પર તપાસને હવે વધારે આગળ વધારવામાં આવી રહી છે.