બનાસકાંઠા / સાંસદ ગેનીબેન ઠાકોરે પાળ્યું વચન, ભાઈઓને ખવડાવી સુખડી, આગેવાનો ઉપર ફૂલો વરસાવ્યા

બનાસકાંઠામાં ગેનીબેન ઠાકોરે લોકસભાની ચૂંટણી જીતી સાંસદ બન્યા બાદ વચન પાળ્યું છે. તેઓ ચૂંટણી પ્રચાર દરમિયાન લોકોને મતોનું મામેરૂ ભરવાનું કહેતા હતાં. જેમણે મતદારો પાસે મામેરામાં મતો માંગ્યા હતા ત્યારે મતદારો તેમણે જીત અપાવતા તેમણે મતદારોને સુખડી ખવડાવી છે.

ગેનીબેને મામેરૂ મીઠું કરાવ્યું

ગેનીબેને મામેરાની માતર (સુખડી) ખવડાવી છે. થરાદમાં બહેનના મામેરાની ભાઈઓએ સુખડી ખાઈ બહેન ગેનીબેન પર ફૂલ વરસા કરી હતી. આ દરમિયાન ગેનીબેન ઠાકોરે પોલીસ બાબતે લોકોને ટકોર કરી હતી. તેમણે કહ્યું હતું કે, ખોટી રીતે પોલીસ હેરાન કરે તો જાણ કરજો, પોલીસ આપણા ટેક્સના પૈસાનો પગાર લઈ રહ્યા છે

'બુટલેગરોના હપ્તા લઈ પોલીસ યુવાનોને બરબાદ કરી રહી છે'

સાંસદ ગેનીબેન ઠાકોરે જણાવ્યું હતું કે, બુટલેગરોના હપ્તા લઈ પોલીસ યુવાનોને બરબાદ કરી રહી છે. બે નંબર આવકના પોલીસ જ હપ્તા લે છે. વધુમાં કહ્યું હતું કે, મોટો લોર્ડ કર્ઝન ભલે હોય એને જે ભાષામાં કહેવાનું હશે તે કહીશું. કોંગ્રેસના કાર્યકારો બે નંબરના ધંધા કરતા નથી એટલે ડરવાની જરૂર નથી