આઘાત / VIDEO : પિતાએ બાઈકની ડેકીમાં રાખી બાળકની લાશ, મામાના ખભે ભાણીની લાશ, MPના બે હૃદયદ્રાવક વીડિયો

• મધ્યપ્રદેશમાં ખાડે ગયેલી હેલ્થ સિસ્ટમના બે ઉદાહરણ
• એમ્બ્યુલન્સ ન મળવાને કારણે લાશ લઈને ચાલવાની ઘટનાઓ વધી 
• છતરપુરમાં મામાને ખભા પર ભાણીની લાશ લઈને જવાની ફરજ પડી
• સિંગરોલીમાં પિતાને નવજાત બાળકની લાશ બાઈકની ડિકીમાં લઈ જવી પડી
• લોકો બોલ્યાં- મામા તમારા રાજ્યમાં શું થઈ રહ્યું છે 

મધ્યપ્રદેશની હેલ્થ સિસ્ટમની પોલ ખોલતી ઘટનામાં રાજ્યમાં હવે એમ્બ્યુલન્સના અભાવે ડેડબોડી (લાશ) લઈને ચાલતા જવાની ઘટનાઓ વધી રહી છે તેમ છતાં પણ સરકારનું પેટનું પાણી પણ હાલતું નથી. આવી ઘટનાઓ હવે તો નથી જોવાતી.બે દિવસમાં આવી બે ઘટનાઓ બની છે એટલું જ નહીં પરંતુ તાજેતરના મહિનાઓમાં આવી ઘણી ઘટનાઓ સામે આવી ચૂકી છે. રાજ્યમાં તાજેતરમાં જ હિન્દીમાં મેડિકલનો કોર્સ શરૂ કરવામાં આવ્યો હતો. તેને ઐતિહાસિક પગલું ગણાવીને સરકારે તેને પ્રોત્સાહન પણ આપ્યું અને ખૂબ જોરથી ફેલાવ્યું, પરંતુ થોડા દિવસો બાદ રાજ્યની આરોગ્ય વ્યવસ્થા એટલી બધી ખુલ્લી પડી ગઈ કે લોકોને એવું કહેવાની ફરજ પડી કે મુખ્યમંત્રી શિવરાજસિંહ ચૌહાણ એટલે કે 'મામા' તમારા શાસનમાં શું થઈ રહ્યું છે.

प्रिय सरकार,हिन्दी और भारतीय भाषाओं की सुर्खियों से चिकित्सा शिक्षा फारिग हो जाए तो देखें पिता नवजात के शव को बाइक में रखकर कलेक्टर दफ्तर पहुंचा,आरोप है पहले सरकारी से निजी अस्पताल भेजा गया, फिर एक अदद शव वाहन नहीं मिला. @AmitShah काश आपलोग प्राथमिकता तय कर पाते @ChouhanShivraj pic.twitter.com/2KkPHg9VK6

— Anurag Dwary (@Anurag_Dwary) October 19, 2022

પહેલી ઘટના છતરપુરની 
પહેલી ઘટના છતરપુરમાં બની છે જ્યાં એમ્બમ્યુલન્સ ન મળતા મામાએ તેની ભાણીની લાશ પહેલા ખભા પર ઉપાડીને અને પછી બસમાં ઘેર લઈ જવાની ફરજ પડી હતી. આ ઘટનાનો વીડિયો પણ વાયરલ થયો છે. 

A man carried the body of his four-year-old niece on his shoulders and took a bus to his village because he could not get a hearse from a hospital, This comes nearly four months after a four-year-old girl's body was carried by her family on their shoulders. Both in Chhatarpur. pic.twitter.com/NXZUNODqUT

— Anurag Dwary (@Anurag_Dwary) October 20, 2022

સિંગરૌલીમાં પિતાને બાઈકની ડિક્કીમાં બાળકની લાશ લઈ જવાની ફરજ પડી 
સિંગરૌલીની ઘટનામાં એવું બન્યું કે ડિલિવરી બાદ મહિલાએ મૃત બાળકને જન્મ આપ્યો અને તેને એમ્બ્યુલન્સ પણ ન મળી.આથી પિતાને બાઈકની ડિક્કીમાં બાળકની લાશ લઈ જવાની ફરજ પડી હતી. પિતા બાળકની લાશ ડિક્કીમાં મૂકીને કલેક્ટર ઓફિસે પહોંચ્યાં હતા. 

તાજેતરના મહિનાઓમાં વધી આવી ઘટનાઓ

 લાશ પોતાની રીતે લઈ જવાની લોકોને ફરજ પડી હોય તેવી ઘણી ઘટનાઓ ઘણા શહેરોમાંથી સામે આવી ચૂકી છે. તાજેતરના મહિનાઓમાં આવી ઘણી ઘટનાઓ બની છે જેમાં ક્યારેક ખભે, ખોળામાં બે ઊંચકીને કે બીજી કોઈ રીતે લાશને લઈ જવાનું જોઈ શકાતું હતું. આવી હૃદયદ્રાવક ઘટનાઓના વીડિયો પણ વાયરલ થયા હતા.