મનોરંજન / હીરો અને વિલનની આવી જોરદાર ટક્કર બૉલીવુડમાં અગાઉ ક્યારેય નહીં જોઈ હોય, સંજુ બાબાને પણ ફીણ આવી ગયા

• રણબીર કપૂર અને સંજય દત્ત હશે આમને સામને 
• શમશેરાનો બિહાઈન્ડ ધ સીન વીડિયો વાયરલ 
• જુઓ વીડિયો 

રણબીર કપૂર અને સંજય દત્ત 'શમશેરા'માં એકબીજાના આમને સામને જોવા મળશે. 'શમશેરા'ની રીલિઝ પહેલા એક બિહાઈન્ડ ધ સીન વીડિયો રિલીઝ થયો છે. જેમાં રણબીર કપૂર અને સંજય દત્તની ઓનસ્ક્રીન ક્લેશની વાત કરવામાં આવી છે.

ફાઈટ સીન શૂટ કરવો એક પડકાર 
ફિલ્મ નિર્દેશક કરણ મલ્હોત્રા આમાં કહેતા જોવા મળી રહ્યા છે કે રણબીર કપૂર અને સંજય દત્તના ફાઈટ સીનને ઓનસ્ક્રીન શૂટ કરવો એક પડકાર હતો. સાથે જ આ સીન ઓનસ્ક્રીન તેમના ફેન્સ માટે કોઈ ટ્રીટથી કમ નહીં હોય. 

કરણે જણાવ્યું કે એક દિગ્દર્શક તરીકે તેમના માટે એક્શન સિક્વન્સમાં એકબીજા સાથે લડવું કેટલું મુશ્કેલ હતું કારણ કે તેઓ વાસ્તવિક જીવનમાં સંપૂર્ણપણે અલગ સમીકરણો શેર કરે છે. ડાયરેક્ટર કરણ મલ્હોત્રાએ પણ શેર કર્યું હતું કે બંને ફાઇટ સિક્વન્સને લઈને ચિંતામાં હતા.

ફાઈટ સીન માટે કહી આ વાત 
ફિલ્મ નિર્માતાએ શેર કર્યું કે એક્શન સિક્વન્સમાં રણબીર સાથે ફાઇટ સીન કરતી વખતે સંજય વધુ 'સતર્ક' રહેતો હતો, કારણ કે તે રણબીરને તેના પુત્રની જેમ માને છે. કરણે કહ્યું, "સંજય કહેતો બેટા, હું આમ કરીશ તો ક્યાંક તેને વાગી ના જાય." સામે રણબીર કહેતો કે "તે સંજય દત્ત છે, હું કેવી રીતે આ સીન કરીશ."