વર્ષ 2010માં જ્યારે ડાયરેક્ટર એસ.શંકરની ફિલ્મ એંથીરન (રોબોટ) રિલીઝ થઇ હતી તો તે એક અલગ પ્રકારનો પ્રયોગ કર્યો જેણે ઓડિયન્સએ ખૂબ જ પસંદ કરી હતી. 'ચિટ્ટી'ના કેરેક્ટરના લોકો ફેન થઇ ગયા હતા. હવે આશરે 8 વર્ષ બાદ તે ફિલ્મને આગળ વધારતાં શંકરે '2.0' બનાવી છે. તેમાં સુપરસ્ટાર રજનીકાંતની સાથે સાથે હિંદી ફિલ્મ ઇન્ડસ્ટ્રીનો ખેલાડી અક્ષય કુમાર છે. આખરે આ ફિલ્મ રિલીઝ થઇ ગઇ છે. આ ફિલ્મ એક સાયન્સ ફિક્શન એક્શન મૂવી છે. જેને 14 ભાષાઓમાં ડબ કરીને રિલીઝ કરવામાં આવી છે. ચાલો જાણીએ કેવી છે આ ફિલ્મ….
સ્ટોરી:
ફિલ્મની સ્ટોર ત્યારથી શરૂ થાય છે જ્યારે લોકોના મોબાઇલ અચાનકથી ગાયબ થવા લાગે છે અને કોઇ શક્તિ તેણે પોતાની તરફ ખેંચીને ગાયબ કરી દે છે. ત્યારબાદ વૈજ્ઞાનિક ડો.વસીગરન (રજનીકાંત)ને પણ તે અંગે જાણ હોતી હતી. ગૃહમંત્રી એસ વિજય કુમાર (આદિલ હુસૈન) આ કામ માટે વસીગરનની મદદ લે છે જે આ શક્તિ વિશે જાણવા માટે પ્રયત્ન કરે છે. આ વચ્ચે (એમી જેક્સન) અને ચિટ્ટી (રજનીકાંત)ને એન્ટ્રી થાય છે. પરંતુ વાર્તામાં ટ્વિસ્ટ ત્યારે આવે છે જ્યારે મોબાઇલ ફોનથી બનેલું એક મોટું પક્ષી શહેર પર હુમલો કરવાનું ચાલુ કરી દે છે. . વૈજ્ઞાનિકને ચિટ્ટીને પાછા બોલાવવાની ફરજ પડે છે. ચિટ્ટી છિન્નભિન્ન થઇ ગયેલો રોબો છે જેને વસીગરન ફરી જીવંત બનાવે છે.
રિવ્યૂ:
2.0નો પ્લોટ તમને જાણીતો લાગે છે. આપણે સ્ક્રીન પર જોઈએ તેમાં કોઇ આશ્ચર્ય કે મિસ્ટ્રી લાગતી નથી. ફિલ્મના પહેલા ભાગમાં તો પક્ષીરાજનો ભૂતકાળ શુ છે તે જાણવાની ફરજિયાત રાહ જોવી પડે છે. ફ્લેશબેક પણ ડિરેક્ટરની બીજી ફિલ્મ ઇન્ડિયન કે જેન્ટલમેન જેવો ઇમોશનલ નથી. જોકે ફિલ્મ જેટલી ભવ્યયતાથી બનાવવામાં આવી છે તે જોવાની ઓડિયન્સને મજા પડે છે. ફિલ્મના સ્પેશ્યલ ઇફેક્ટ્સ જોવા ગયેલા ઓડિયન્સ નારાજ નહી થાય. ફર્સ્ટ હાફમાં તમને અમુક જોરદાર વિઝ્યુઅલ્સ જોવા મળશે. જેમ કે રસ્તા પર ચાલતા મોબાઈલ ફોન ઉર્જાસભર વિશાળ પક્ષી પગેરે. આ ફિલ્મ જોતી વખતે હોલિવુડ ફિલ્મ એલિયન્સ ટર્મિનેટર 2 ઘોસ્ટ બસ્ટર્સ પણ યાદ આવશે. જોકે ફિલ્મમાં ચિટ્ટી અને વિશાળકાય પક્ષી વચ્ચે તમને જોરદાર ક્લેશ જોવા મળશે તેનાથી વિશેષ વધુ કઇ નથી. પહેલી ફિલ્મની જેમ આ ફિલ્મમાં હ્યુમર કે કંઈ નવુ નથી. આ ફિલ્મના કોઇ ડાયલોગ યાદ રહે તેવા નથી.
એક્ટિંગ:
અક્ષય કુમારનો લૂક કમાલ છે જે રીતે તે ફિલ્મમાં પોતાના લૂકથી સરપ્રાઇઝ કરે છે તે જોવું ખરેખર રસપ્રદ છે. રજનીકાંતના કામ વૈજ્ઞાનિક અને રોબોટના રૂમમાં શાનદા છે આ સિવાય ફિલ્મમાં એક સરપ્રાઇઝ કેરેક્ટર છે જે ફિલ્મ જોઇને જ ખબર પડશે. એમી જેક્સન માટે વધારે કામ નથી પરંતુ જેટલો ટાઇમ તે સ્ક્રીન પર દેખાઇ છે તેમાં સારી એક્ટિંગ કરી છે. આદિલ હુસૈન સુધાંશુ પાંડેય અને બાકીના તમામ કેરેક્ટર્સનું કામ ઠીક છે.
મ્યૂઝિક:
ફિલ્મના મ્યૂઝિકની વાત કરવામાં આવે તો રિલીઝ પહેલા જ હિટ નથી થઇ શક્યુ. એ.આર.રહેમાનનુ મ્યૂઝિક હોવા છતાં હિંદીમાં એક પણ સોંગ સારુ નથી. જોકે ફિલ્મનો બેકગ્રાઉન્ડ સ્કોર સારો છે.
ફિલ્મ જોવી કે નહીં:
ક્લાઇમેક્સમાં ચિટ્ટી અને પક્ષીરાજ વચ્ચે થતા ફાઇટ સિકવન્સને જોઇને તમારા પૈસા વૂસલ થઇ જશે. આ ફિલ્મ તેના વિઝ્યૂઅલ માટે જરૂરથી એક વખત જોઇ શકાય.