આશ્ચર્યજનક / બંધ પડેલી સરકારી દારુની દુકાનમાંથી 12 બોટલ ઉંદર પી ગયા અને પછી જે બન્યું તે જાણીને નવાઈ લાગશે

• ઉંદરોએ 18 હજારનો દારૂ પિધો 
• સરકારી દારૂની દુકાનમાં 12 બોટલ પી ગયા 
• બોટલના ઢાકણા પર ઉંદરોના દાંતના નિશાન જોવા મળ્યા 

તમિલનાડુના નીલગિરિ જિલ્લામાં આવેલ ગુડાલુર શહેરમાં એક વીચીત્ર બનાવ સામે આવ્યો છે. સાંભળીને આપને નવાઈ લાગશે કે અહીયા સરકારી દારૂની દુકાનમાં મુકેલ 12 દારૂની બોટલો ઉંદરો પી ગયા છે. આ માહિતી સામે આવ્યા બાદ સૌ કોઈ આશ્ચર્યમાં મુકાઈ ગયા છે. 

દુકાન લોકડાઉનને કારણે બંધ હતી 

સૂત્રો દ્વારા મળતી માહિતી પ્રમાણે વિપણન નિગમના કર્મચારીઓએ લોકડાઉન બાદ દુકાન ખોલી ત્યારે તેમને આ વાતની જાણ થઈ હતી. કોરોનાના કેસ વધતા ગુડાલર શહેરમાં તંત્ર દ્વારા લોકડાઉન કરવામાં આવ્યું હતું. પરંતુ લોકડાઉન ખતમ થયા બાદ જ્યારે અધિકારીઓ દ્વારા દુકાન ખોલવામાં આવી ત્યારે તેઓ ચોંકી ગયા હતા. 

દારૂની બોટલો પર ઉંદરોના દાંતના નિશાન 

દુકાનમાં કર્મચારીઓએ જોયું કે દારૂની 12 બોટલોના ઢાકણા ખુલ્લા હતા. સાથેજ તે બોટલો પણ પૂરી રીતે ખાલી હતી. શરૂઆતમાં તેઓ ચોંકી ગયા હતા. પરંતુ બાદમા જ્યારે તેમણે બધીજ બોટલો જોઈ ત્યારે દરેક બોટલ પર ઉંદરોના દાંતના નિશાન હતા. શરૂઆતમાં તેમને વિશ્વાન ન થયો પણ દરેક બોટલો પર ઉંદરોના દાંતના નિશાન જોઈને તેમને પણ વિશ્વાસ કરવો પડ્યો. 

ઉંદરોએ 18 હજારનો દારૂ પિધો 

આ મામલે TASMEC ના અધિકારીઓને જાણ થતા તેમણે તપાસ હાથ ધરી હતી. જે તપાસમાં સામે આવ્યું કે દારૂ ખરેખરમાં ઉંદરોએજ પીધો હતો. સમગ્ર મામલે એવી માહિતી સામે આવી છે કે જે બોટલોનો દારૂ ઉંદરોએ પીધો હતો તેમાં એક બોટલની કિંમત 1500 રૂપિયા હતી. એટલેકે ઉંદરોએ 12 બોટલ પ્રમાણે કુલ 18 હજાર રૂપિયાનો દારૂ પીધો હતો. 

અગાઉ હરિયાણામાં આવો બનાવ બન્યો હતો 

ઉલ્લેખનીય છે કે અગાઉ હરિયાણાના ફરિદાબાદ પોલીસ સ્ટેશનમાં કઈક આવોજ બનાવ સામે આવ્યો હતો. જેમા ઉંદરો 29 હજાર લીટર દારૂ પી ગયા હતા. આ મામલે હરિયાણા પોલીસેજ જાણીકારી આપી હતી કે ઉંદરો ગોડાઉનમાં મુકેલ 29,900 લીટર ઈંગ્લીશ દારૂ પી ગયા હતા.