એવરેસ્ટ શિખરથી નીચે એટલે કે આઠ હજાર ફૂટની ઊંચાઈએ આવેલી શિબિર નંબર ચાર અને સાઉથ કર્નલ પર ટેન્ટનો બધો કચરો ફેંકવામાં આવ્યો છે. એવરેસ્ટ પર ગયા મહિને એક સફાઈ અભિયાનનું નેતૃત્વ કરનારા શેરપા દાવા સ્ટીવને જણાવ્યું કે, આ ઊંચાઈ પરથી ઓછો ઓક્સિજન, લપસણા ઢોળાવો અને ખરાબ હવામાનના કારણે ટેન્ટ જેવો સામાન નીચે લાવવો બહુ મુશ્કેલ કામ છે.
નેપાળમાં માઉન્ટ એવરેસ્ટ (Mount Everest) પર આ સીઝનમાં રેકોર્ડ સંખ્યામાં પર્વતારોહક આવી રહ્યા છે, પરંતુ વિશ્વના આ સૌથી ઊંચા શિખર પર પણ કચરાના ઢગલા ભેગા થઈ ગયા છે. આ કચરાની સફાઈમાં લાગેલા એક સરકારી દળને એ નથી સમજાતું કે ખાલી પડેલા ટેન્ટથી લઈને માનવ ઉત્સર્જિત કચરાનો નિકાલ આખરે કઈ રીતે કરવો. એવરેસ્ટની સફાઈ કરવામાં સરકારની મદદ કરનારા શેરપાઓનું કહેવું છે કે, ઑક્સિજન સિલિન્ડરો, ખાલા-પીવાના સામાનના પેકેટ્સ અને દોરડાંનો એવરેસ્ટ પર રીતસર ઢગલો થઈ ગયો છે.
એવરેસ્ટ શિખરથી નીચે એટલે કે આઠ હજાર ફૂટની ઊંચાઈએ આવેલી શિબિર નંબર ચાર અને સાઉથ કર્નલ પર ટેન્ટનો બધો કચરો (Garbage) ફેંકવામાં આવ્યો છે. એવરેસ્ટ પર ગયા મહિને એક સફાઈ અભિયાનનું નેતૃત્વ કરનારા શેરપા દાવા સ્ટીવને જણાવ્યું કે, આ ઊંચાઈ પરથી ઓછો ઓક્સિજન, લપસણા ઢોળાવો અને ખરાબ હવામાનના કારણે ટેન્ટ જેવો સામાન નીચે લાવવો બહુ મુશ્કેલ કામ છે. સ્ટીવન માઉન્ટ એવરેસ્ટની સફાઈ કરવાના મિશનમાં છેલ્લા 12 વર્ષથી જોડાયેલા છે.
એવરેસ્ટ (8,848 મીટર) પર આ વર્ષે 14 મેથી શરૂ થયેલી સીઝનમાં અત્યાર સુધીમાં 700થી વધુ પર્વતારોહકો આવ્યા છે. આટલી મોટી સંખ્યામાં પર્વતારોહકો આવ્યા તેનાથી નેપાળી શેરપા પણ આશ્ચર્યચકિત થઈ ગયા છે. શેરપા વિદેશી પર્વતારોહકો માટે ગાઈડનું કામ કરે છે અને તેમનાં માટે એવરેસ્ટ પર ચડવાનો માર્ગ તૈયાર કરે છે. એવરેસ્ટ પર શિબિર નં.ચાર પર 30 ટેન્ટ અને અંદાજે પાંચ હજાર કિલોગ્રામ કચરો હોવાનું અનુમાન છે. બરફ પીગળે પછી જ જાણવા મળશે કે સમગ્ર એવરેસ્ટ શિખર પર કેટલો કચરો એકઠો થયો છે. એવરેસ્ટ પર આવતા કેટલાક પર્વતારોહકો મોબાઈલ ટૉઈલેટનો ઉપયોગ નથી કરતા આ કારણે પણ શિખર પર બહુ ગંદકી ફેલાઈ છે.