માઉન્ટ આબુ બન્યું રમણીય ઠંડીના ચમકારા વચ્ચે પ્રવાસીઓએ માણી ચ્હાની ચુસ્કી

ગુજરાતની બોર્ડર પર અને રાજસ્થાનના પર્યટક સ્થળ માઉન્ટ આબુમાં પણ પારો ગગડ્યો છે. માઉન્ટ આબુમાં સતત બે દિવસથી તાપમાનનો પારો રાત્રીના સમયે 2 ડિગ્રી સુધી ગગડ્યો છે.

જેના કારણે ઠંડીનું પ્રમાણ વધી ગયું છે. માઉન્ટ આબુમાં પાણીની સપાટી પર પણ બરફ જામી ગયો છે. તો ઠંડીની મજા માણવા માટે સહેલાણીઓનો ધસારો પણ વધી ગયો છે. તો વહેલી સવારે ઠંડીથી રાહત મેળવવા માટે લોકોએ ચ્હાની ચુસ્કીની મજા માણી હતી.
 

#Rajasthan ના #MountAbu માં કડકડતી ઠંડી
માઉન્ટ આબુમાં રાત્રી દરમિયાન પારો 2 ડિગ્રીએ પહોંચ્યો
પાણીની સપાટી પર જામ્યો બરફ
ઠંડીનું પ્રમાણ વધતાં સહેલાણીઓનો પણ ધસારો#ColdWave pic.twitter.com/hejZRthHxY

— VTV Gujarati News (@VtvGujarati) December 14 2018

ઉલ્લેખનીય છે કે મોસમ વિભાગના જણાવ્યાનુસાર આગામી કેટલાક દિવસોમાં આ પારો બે-ત્રણ ડિગ્રી વધુ ગગડવાની પણ શક્યતા છે. મતલબ કે ઠંડી હજુ પણ વધુ થથરાવશે. આ ઠંડીમાં માઉન્ટ આબુમાં સામાન્ય જનજીવન અસ્તવ્યસ્ત છે તો વળી ઠેર-ઠેરથી આવતા સહેલાણીઓ આ ઠંડીની ભરપૂર મજા ઉઠાવી રહ્યા છે.

ઠંડીની મોસમમાં ફરવા આવેલ સહેલાણીઓએ વહેલી સવારે ચ્હાની ચુસ્કીની મજા માણી હતી. ઠંડીથી રાહત મેળવવા માટે લોકોએ તાપણાનો પણ સહારો લીધો હતો. ત્યારે આગામી સમયમાં હજી ઠંડીનો પારો ગગડવાની શક્યતા સેવવામાં આવી છે.