હાલ દેશમાં લોકડાઉન ચાલી રહ્યું છે. જેના કારણે ઘણાં લોકો પોતાના ઘરથી દૂર ફસાઈ ગયા છે. જેમાં બોલિવૂડની જાણીતી અભિનેત્રી મૌની રોય પણ લોકડાઉનને કારણે અબુધાબીમાં 2 મહિનાથી ફસાઈ ગઈ છે. તે એક શૂટિંગ માટે અબૂધાબી પહોંચી હતી અને થોડાં દિવસ માટે તેની ટ્રિપ લંબાવી હતી. જોકે, આ દરમિયાન જ લોકડાઉનની ઘોષણા કરી દેવામાં આવી અને તમામ ફ્લાઈટ્સ પણ રોકી દેવામાં આવી. લાંબા સમયથી ત્યાં હોવાને કારણે તે પરેશાન થઈ ગઈ છે અને તે ભારત પરત આવવા માંગે છે.
2 મહિનાથી અબુધાબીમાં ફસાઈ આ જાણીતી એક્ટ્રેસ
શૂટિંગ માટે અબુધાબી ગઈ હતી અને લોકડાઉનની ઘોષણા થઈ ગઈ
ભારત પરત આવવા માંગે છે અભિનેત્રી
મૌની તેની બહેન સાથે અબુધાબીમાં છે. તેણે એક ઈન્ટરવ્યૂમાં જણાવ્યું કે, મેં શૂટિંગ બાદ 2 સપ્તાહ અબૂધાબી રોકાવાનો નિર્ણય લીધો હતો કારણ કે મારો આગામી પ્રોજેક્ટ 15 એપ્રિલથી શેડ્યૂલ હતો. મેં વિચાર્યું નહોતું કે, આખી દુનિયા બંધ થઈ જશે. હું ચાર દિવસના કપડાં સાથે અહીં ફસાઈ ગઈ છું.
મૌનીએ આગળ જણાવ્યું કે, મને એ વાતની શાંતિ છે કે, મારો ભાઈ મારી મોમની સાથે છે. આ સિવાય મારા કઝિન્સ પણ નજીકમાં જ રહે છે. તમને જણાવી દઈએ કે, મૌનીમો પરિવાર બિહારમાં રહે છે.
મૌનીએ કહ્યું કે, હવે તે મુંબઈ પરત આવવા માટે વધુ રાહ જોઈ શકે તેમ નથી અને બધું સામાન્ય થાય તેના માચે ઉત્સુક છે. તેણે કહ્યું મને એ વાતની ખુશી છે કે મારી પાસે રહેવા માટે છત અને દેખરેખ માટે પરિવાર તો છે. હવે હું ભારત પરત આવવા માંગુ છું.
વર્કફ્રન્ટની વાત કરીએ મૌની છેલ્લે રાજકુમાર રાવ સાથે મેડ ઈન ચાઈનામાં જોવા મળી હતી. હવે તે રણબીર કપૂર અને આલિયા ભટ્ટની ફિલ્મ બ્રહ્માસ્ત્રમાં જોવા મળશે. આ ફિલ્મમાં મિતાભ બચ્ચન, અક્કિનેની નાગાર્જુન પણ મહત્વની ભૂમિકામાં જોવા મળશે.