ટેલિવિઝન જગતની જાણીતી એક્ટ્રેસ મોની રોય અત્યારે બોલિવૂડમાં પોતાની જગ્યા બનાવવા મહેનત કરી રહી છે. તે અક્ષય કુમારની સાથે ફિલ્મ ગોલ્ડ અને રાજકુમાર રાવ સાથે મેડ ઈન ચાઈનામાં જોવા મળી ચૂકી છે. સાથે જ તે ટૂંક સમયમાં રણબીર કપૂર, આલિયા ભટ્ટ અને અમિતાભ બચ્ચનની સાથે ફિલ્મ 'બ્રમ્હાસ્ત્ર'માં પણ જોવા મળશે. આ સાથે જ મોની રોય તેના સ્ટાઈલ અને લુક્સને કારણે પણ ચર્ચામાં રહે છે.
મોની રોયનો એક વીડિયો થયો વાયરલ
ટ્રોલ થઈ એક્ટ્રેસ મોની રોય
ટ્રોલર્સે કહ્યું- પ્લાસ્ટિકની દુકાન
જોકે, હાલમાં જ મોની રોયે તેના ઇન્સ્ટાગ્રામપર એક વીડિયો શેર કર્યો છે. જેમાં તે બાસ્કેટ બોલની પ્રેક્ટિસ કરતી જોવા મળી રહી છે. વીડિયોમાં મોની સાથે એક અન્ય વ્યક્તિ પણ જોવા મળી રહ્યો છે. જે તેને પ્રેક્ટિસ કરાવી રહ્યો છે. પરંતુ આ બધાંમાં તે અચાનક ટ્રોલર્સના નિશાના પર આવી ગઈ અને લોકોએ ખરાબ કમેન્ટ્સ કરવાનું શરૂ કરી દીધું.
હકીકતમાં મોની રોય પર હમેશાંથી પ્લાસ્ટિક સર્જરી કરાવવાના આરોપ લાગતા રહે છે. ઘણાં યુઝર્સ તેની પહેલાંની અને અત્યારની તસવીર શેર કરીને તેને સવાલો કરે છે. એવામાં તેના રિસન્ટ વીડિયો બાદ તેની પ્લાસ્ટિક સર્જરીને લઈને ફરી ચર્ચા શરૂ થઈ ગઈ છે.
વીડિયોમાં કમેન્ટ કરતાં કોઈ તેને પ્લાસ્ટિકની દુકાન કહી રહ્યું છે તો કોઇએ તેને ચાઇના પ્રોડક્ટ કહી. અચાનક મોની રોય ટ્રોલર્સ નિશાના પર આવવાનું એક કારણ સુશાંત સિંહ મામલે તેની ચુપ્પી છે અને તે સુશાંત મામલે આરોપોનો સામનો કરી રહેલાં સંદીપ સિંહની મિત્ર પણ છે. સંદીપ અને મોનીની કેટલીક તસવીરો સોશિયલ મીડિયા પર વાયરલ થઇ રહી છે. જેમાં બંને સાથે પાર્ટી કરતા જોવા મળ્યા હતા. એવામાં SSRના ફેન્સનો ગુસ્સો મોની રોય પર ઉતરી રહ્યો છે.