ટીવી જગતમાંથી બોલિવૂડમાં એન્ટ્રી કરનાર એક્ટ્રેસ મોની રોય સોશિયલ મીડિયા પર ઘણી જ એક્ટિવ રહે છે. ફિલ્મો સિવાય સોશિયલ મીડિયા પર પોતાના બોલ્ડ અંદાજથી હમેશાં છવાયેલી રહે છે. મોનીએ હાલમાં જ કેટલીક હોટ તસવીરો સોશિયલ મીડિયા પર શેર કરી છે.
તસવીરોમાં તે દરિયા કિનારે બેઠી છે અને મજા લઈ રહી છે. મોનીની આ તસવીરો માલદીવની છે, જેણે બધાંનું ધ્યાન આકર્ષિત કર્યું. આ તસવીરોમાં મોની અલગ જ અવતારમાં જોવા મળી રહી છે. સાથે જ ચાહકોને તેની આ તસવીરો ખૂબ પસંદ આવી રહી છે.
મોની રોયની આ તસવીરો જોઈને લાગે છે કે, એક્ટ્રેસ માલદીવમાં રજાઓ માણી રહી છે. એક તસવીરમાં મોની વ્હાઈટ શર્ટમાં જોવા મળી રહી છે. આમાં તેની સ્ટાઈલ લાજવાબ લાગી રહી છે. આ તસવીર શેર કરતા તેણે લખ્યું, આ જરૂરી છે. આ સિવાય મોની રોયે માલદીવની અન્ય તસવીરો અને વીડિયો પણ શેર કર્યો છે.
મોનીના વર્કફ્રંટની વાત કરીએ તો તેણે અક્ષય કુમાર સાથે ફિલ્મ ગોલ્ડથી બોલિવૂડમાં એન્ટ્રી કરી હતી. ત્યારબાદ તે વર્ષ 2019માં મેડ ઈન ચાઈના અને રોમિયો અકબર વોલ્ટરમાં જોવા મળી હતી. આ સિવાય આ વર્ષે મોની બ્રહ્માસ્ત્ર અને મુગલમાં પણ જોવા મળશે.