નિર્ભયા જેવા કાંડથી હાહાકાર / આ નરાધમ ! સુતેલી લેડી ડોક્ટરનું ગળું દબાવીને મોડે સુધી કર્યો રેપ, કાળજું કંપાવતો કાંડ

પશ્ચિમ બંગાળમાં નિર્ભયા જેવો ભયાનક કાંડ સામે આવ્યો છે. રાજધાની કોલકાતાની એક મેડિકલ કોલેજમાં ટ્રેઈની ડોક્ટરના અતિ ઘાતકી રેપ અને મર્ડરનો બનાવ બન્યો છે. કોલકાતાની આરજી કર મેડિકલ કોલેજમાં 31 વર્ષીય ટ્રેઈની ડોક્ટર મોમિતા દેબનાથના ઘાતકી રેપ અને મર્ડરમાં મોટો ઘટસ્ફોટ થયો છે. એક પોલીસ અધિકારીએ કહ્યું કે પુરાવા છે કે ડોક્ટર જ્યારે હોસ્પિટલના સેમિનાર હોલમાં સુઈ રહ્યાં હતા ત્યારે આરોપી સંજય રોય ત્યાં આવ્યો હતો. ડોક્ટરે પ્રતિકાર કર્યો હતો પરંતુ આરોપીએ તેને ગૂંગળાવી મારી. ડોક્ટર મરી ગઈ છે કે નહીં તે જાણવા માટે સંજય રોતે તેમને ફરી ગૂંગળાવી નાખ્યાં હતા. એવી પણ સંભાવના છે કે મર્ડર બાદ આરોપીએ ડોક્ટરનો મોડે સુધી રેપ કર્યો હતો. શુક્રવારે રાતે આ ઘટના બની હતી. પોલીસ અધિકારીએ એવું પણ કહ્યું કે સંજોગો એવું સૂચવે છે કે આરોપએ પહેલા ડોક્ટરની હત્યા કરી હતી ત્યાર બાદ રેપ કર્યો હતો.

વધુ વાંચો : લેડી ડોક્ટર સાથે હેવાનિયત બાદ ડોક્ટરોનું દેશવ્યાપી હડતાળનું એલાન, શું છે હાઈ પ્રોફાઈલ ક્રાઈમ?

કોણ છે આરોપી

આરોપી સંજય રોય હોસ્પિટલમાં બેરોકટોક આવી શકતો હતો. શુક્રવારે રાતે તે સેમીનાર હોલમાં આવ્યો હતો અને ડોક્ટરની એકલતાનો લાભ લઈને ભયાનક કૃત્ય કર્યું હતું.

લેડી ડોક્ટરના પોસ્ટ મોર્ટમ રિપોર્ટમાં શું?

શુક્રવારે રાતે કોલકાતાની આરજી કાર મેડિકલ કોલેજના ત્રીજા માળે સેમિનાર હોલની અંદર શુક્રવારે સવારે એક તાલીમાર્થી મહિલા ડૉક્ટર રહસ્યમય સંજોગોમાં મૃત હાલતમાં મળી આવી હતી. તે મેડિકલ કોલેજમાં જ પીજીના બીજા વર્ષમાં અભ્યાસ કરતી હતી. પોસ્ટમોર્ટમ રિપોર્ટમાં મહિલા ડોક્ટરના શરીરના ઘણા ભાગો પર ઈજાના નિશાન જોવા મળ્યા હતા. તેની આંખો અને મોં બંનેમાંથી લોહી વહી રહ્યું હતું, તેના ચહેરા પર ઇજાઓ અને નખ હતા. પીડિતાના પ્રાઈવેટ પાર્ટમાંથી પણ લોહી નીકળતું હતું. તેના પેટ, ડાબા પગ, ગરદન, જમણા હાથ અને નાની આંગળી અને હોઠ પર પણ ઈજાઓ થઈ હતી. તેના ગળાનું હાડકું પણ તૂટેલું જોવા મળ્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ