સેલ / ફ્લિપકાર્ટ પર શરૂ થયું મોટોરોલાના ફોલ્ડેબલ ફોનનું વેચાણ, કેશબેક ઓફર અને ફીચર્સ જાણી ખરીદવાનું મન થઈ જશે

• ભારતમાં ફ્લિપકાર્ટ મોટોરોલાના ફોલ્ડેબલ સ્માર્ટફોનનું વેચાણ શરૂ
• જબરદસ્ત ફીચર્સ અને લુક જોઈ ફોન ખરીદવાનું થઈ જશે મન
• જોકે, રેડ ઝોનમાં ફોનની ડિલીવરી નહીં કરવામાં આવે

મોટોરોલા રેઝર પર ફ્લિપકાર્ડની ઓફરની વાત કરીએ તો સિટી બેન્કના ક્રેડિટ અને ડેબિટ કાર્ડ પર 10000 રૂપિયાનું કેશબેક છે. આ સિવાય એક્સિસ બેંકના ક્રેડિટ કાર્ડ પર 5 ટકા અનલિમિટેડ કેશબેક, ગ્રાહકોની ફેસિલિટી માટે નો કોસ્ટ ઈએમઆઈની સુવિધા પણ છે. જોકે, હાલ દેશમાં લોકડાઉનની સ્થિતિ હોવાથી એક્સચેન્જની કોઈ ઓફર અવેલેબલ નથી. 

The iconic #Motorolarazr is going on sale TOMORROW.
Crafted with precision, fusing the first-ever foldable design with a revolutionary technology, it’s a smartphone unlike any other. #FeelTheFlip! https://t.co/KMqvfDGDZu pic.twitter.com/HpLs8HvPem

— Motorola India (@motorolaindia) May 7, 2020

ફીચર્સ

મોટોરોલા રેઝર (2019)માં 6.2 ઈંચની ફ્લેક્સિબલ એચડી પ્લસ (876x2142) પિક્સલ પ્રાઈમરી ડિસ્પ્લે, આસ્પેક્ટ રેશિયો 21:9 છે. ફોનમાં 2.7 ઈંચની સેકેન્ડરી 600x800 પિક્સલ વિથ ક્વિક વ્યૂ વિન્ડો ડિસ્પ્લે છે. આસ્પેક્ટ રેશિયો 4:3 છે. તેનો ઉપયોગ સેલ્ફી લેવા, નોટિફિકેશન જોવા અને મ્યુઝિક પ્લેબેકને કંટ્રોલ કરવા માટે કરી શકાય છે. 

સ્પીડ અને મલ્ટીટાસ્કિંગ માટે ક્વાલકોમ સ્નેપડ્રેગન 710 ઓક્ટા-કોર પ્રોસેસરની સાથે ગ્રાફિક્સ માટે એડ્રેનો 616 જીપીયૂ છે. ફોનમાં 6 જીબી રેમ અને 128 જીબી સ્ટોરેજ છે. માઈક્રોએસડી કાર્ડની સુવિધા પણ ઉપલબ્ધ છે. ક્નેક્ટિવિટી માટે 4જી એલટીઈ, બ્લૂટૂથ વર્ઝન 5.0, વાઈફાઈ 802.11 એસી, યૂએસબી ટાઈપ-સી પોર્ટ અને જીપીએસ/એ-જીપીએસ સપોર્ટ સામેલ છે. સિક્યોરિટી માટે ફોનના નીચેના ભાગમાં ઓપ્ટિકલ ફિંગરપ્રિન્ટ સેન્સર આપેલું છે.

તેમાં 2510 mAhની બેટરી અને 15 વોટ ફાસ્ટ ચાર્જિંગ સપોર્ટ કરે છે. ફોનની લંબાઈ અને પહોળાઈ (અનફોલ્ડ હોય ત્યારે) 72x172x6.9 મિલીમીટર અને ફોલ્ડ થયા બાદ 72x94x14 મિલીમીટર અને વજન 205 ગ્રામ છે. ફોનમાં એન્ડ્રોઈડ 10 ઓપરેટિંગ સિસ્ટમ અને ઓક્ટાકોર SDM710 પ્રોસેસર મળશે. ફોનમાં 16MP (ફોલ્ડ) અને 5MP મેઈન ડિસ્પ્લે નોચ કેમેરા આપવામાં આવ્યો છે.

કિંમત

તમને જણાવી દઈએ કે, ઈ-કોમર્સ સાઈટને મમાત્ર ગ્રીન અને ઓરેન્જ ઝોનમાં જ ડિલીવરી કરવાની મંજૂરી છે. એટલે કે પિનકોડ રેડ ઝોનમાં આવશે તો ફોનની ડિલીવરી નહીં કરવામાં આવે. ભારતમાં મોટોરોલા ફોલ્ડેબલ સ્માર્ટફોનની કિંમત 1,24,999 રૂપિયા છે. ફોન સિંગલ કલર વેરિઅન્ટ બ્લેકમાં ઉપલબ્ધ છે.