Motorola કંપનીએ એક ખાસ ફીચર્સ સાથેનો ફોન લોન્ચ કર્યો છે. તેના ફીચર્સ હેરાન કરનારા છે. Motorola Defyનો આ ફોન મજબૂત અને શાનદાર છે. ફોન લગભગ 29000ની કિંમતનો છે.
ઉંચાઈથી ફેંકો કે પછી પાણીમાં રાખો નહીં થાય નુકસાન
મોટોરોલા કંપનીએ બનાવ્યો છે આ ખાસ ફોન
29000ની કિંમતમાં આવી જશે આ ફોન
મોટોરોલા કંપનીનો આ ફોન મજબૂત અને શાનદાર છે. Motorolaએ દાવો કરતા કહ્યું કે તેમનો આ ફોન અત્યાર સુધીનો સૌથી મજબૂત Smartphoneમાંથી એક છે, તેમનું કહેવું છે કે આ સ્માર્ટફોન મિલિટ્રી ગ્રેડ જેટલો મજબૂત છે. એટલું નહીં તમે તેને સાબુથી પણ ધોઈને સાફ કરી શકો છો. તો જાણો ફોનની ખાસ વાતો.
Motorola Defyને IP68 વોટરપ્રૂફ રેટિંગ સાથે લોન્ચ કરાયો છે. કંપનીના અનુસાર Motorola Defy ને પાણીની અંદર 1.5 મીટરની ઊંડાઈમાં 35 મિનિટ સુધી રાખવાથી પણ કોઈ નુકસાન થતું નથી. આ સ્માર્ટફોન 6 ફીટની ઉંચાઈથી વારેઘડી પડે છે તો પણ તૂટશે નહીં.
Motorola Defyની કિંમત
Motorola Defyની કિંમત 329 યૂરો એટલે કે લગભગ 29,000 રૂપિયાની છે. તેનું વેચાણ ફક્ત 4 જીબી રેમ અને 64 જીબી સ્ટોરેજમાં હશે. તેને બ્લેક અને ફોર્જ્ડ ગ્રીન કલરમાં ખરીદી શકાય છે. આ ફોનની સાથે 2 વર્ષની વોરંટી અને સિક્યોર્ડ અપડેટ મળશે. કંપનીએ ભારતમાં તેની ઉપલબ્ધતાને વિશે જાણકારી આપી નથી.
સ્પેસિફિકેશન
Motorola Defyમાં એન્ડ્રોઈડ 10 મળશે. આ સિવાય તેને એન્ડ્રોઈડ 11થી પણ જલ્દી અપડેટ મળશે. ફોનમાં ડ્યુઅલ સિમ સપોર્ટ છે. તેમાં 6.5 ઈંચની એચડી પ્લસ ડિસ્પ્લે છે અને તેની ઉપર કોર્નિંગ ગોરિલ્લા ગ્લાસ Victus નું પ્રોટેક્શન છે. ફોનમાં સ્નેપડ્રેગન 662 પ્રોસેસર, 4 GB રેમ અને 64 GBનું સ્ટોરેજ છે જેને મેમરી કાર્ડની મદદથી વધારી શકાય છે.
કેમેરા
મોટોરોલાના આ ફોનમાં ટ્રિપલ રિયર કેમેરા સેટઅપ આપવામાં આવ્યું છે. જેમાં પ્રાઈમરી લેન્સ 48 મેગાપિક્સલનો છે અને તેનું અપર્ચર f/1.8 છે. તો અન્ય લેન્સ 2 મેગાપિક્સલનું ડેફ્થ સેંસર અને ત્રીજો લેન્સ 2 મેગાપિક્સલના મેક્રો સેંસર છે. સેલ્ફી માટે તેમાં 8 મેગાપિક્સલનો કેમેરો આપ્યો છે.
બેટરી
ફોનમાં 5000mAhની બેટરી છે જે 20 વોલ્ટની ટર્બોપાવર ચાર્જને સપોર્ટ કરે છે. બેટરીને લઈને 2 દિવસનું બેકઅપનો દાવો કરાયો છે. કનેક્ટિવિટી માટે તેમાં USB ટાઈપ સી પોર્ટ, બ્લૂટ્રૂથ v5, NFC, VoLTE અને 3.5mmનો ઓડિયો જેક છે.