પરિવહન મંત્રાલયને બજેટ સત્રમાં આ બીલ પાસ થાય એવી આશા છે. જો આવું થાય છે તો ડ્રાઇવરોને રેશ ડ્રાઇવિંગ પર કડક દંડ ચુકવવો પડશે. આ ઉપરાંત ઘણા નિયમોમાં પણ ફેરફાર કરવામાં આવ્યા છે. જાણો શું કહે છે સંશોધિત મોટર વ્હીકલ્સ બીલ...
કેન્દ્રની મોદી સરકાર એક વખત ફરીથી મોટર વ્હીકલ્સ સંશોધન બીલને સંસદમાં રજૂ કરવાની તૈયારીમાં છે. 2017માં લાવવામાં આવેલું આ બીલ લોકસભામાં પસાર થઇ ગયું હતું. પરંતુ રાજ્યસભામાં અટકી ગયું હતું, પરિવહન મંત્રાલયને બજેટ સત્રમાં આ બીલ પસાર થાય એવી આશા છે, જો આવું થાય છે તો ડ્રાઇવરોને રેશ ડ્રાઇવિંગ પર કડક દંડ ચુકવવો પડશે. આ ઉપરાંત ઘણા નિયમોમાં ફેરફાર પણ કરવામાં આવ્યા છે.
હિટ અને રન પર સરકાર આપશે બે લાખ વળતર
હિટ એન્ડ રનના કેસમાં મૃતક પરિવારોને સરકાર તરફથી બે લાખ રૂપિયાની રાહત રકમ આપવામાં આવશે. હાલ માત્ર 25000 રૂપિયાની જ જોગવાઇ છે.
તમામ રોડ યૂઝર્સનો ઇન્શ્યોરન્સ
મોટર વ્હીકલ્સ એક્સિડેન્ટ ફંડ બનશે, જે દેશના તમામ રોડ યૂઝર્સને ઇન્શ્યોરન્સ કવર પ્રદાન કરશે. એ હેઠળ કેટલાક નિશ્વિત પ્રકારની ઘટનાને કવર કરવામાં આવશે.
થર્ડ પાર્ટી ઇન્શ્યોરન્સ પર દેવાની સીમા ખતમ
થર્ડ પાર્ટી ઇન્શ્યોરન્સ પર દેવાની સીમાને પૂર્ણ કરી દેવામાં આવશે. આ પહેલા 2016માં તૈયાર પ્રસ્તાવમાં મોત પર 10 લાખ અને ગંભીર ઘાયલ પર 5 લાખ રૂપિયાની જોગવાઇ હતી.
સગીરની ભૂલ પર પેરેન્ટ્સ હશે જવાબદાર
જો કોઇ સગીર દ્વારા ટ્રાફિક નિયમોનું ઉલ્લંઘન થાય છે તો એના પેરેન્ટ્સને જવાબદાર ગણવામાં આવશે. પરિવારને બચાવવા માટે એવું સાબિત કરવું પડશે કે એમને એ માટેની જાણકારી નથી અતવા એમને આવું કરવા રોકવાનો પ્રયત્ન કર્યો હતો. સગીર પર જુવેનાઇલ જસ્ટિસ એક્ટ હેઠળ કેસ ચાલશે.
દારૂ પીવું પડશે ભારે, હવે થશે 10,000નો દંડ
દારૂ પી ને ગાડી ચલાવવા પર ન્યૂનતમ દંડ 2000 રૂપિયાથી વધારીને 10,000 રૂપિયા સુધી કરી દેવામાં આવ્યો છે. રેશ ડ્રાઇવિંગ પર ફાઇન પણ 1000 રૂપિયાથી વધીને 5000 કરી દેવામાં આવ્યો છે. લાઇસેન્સ વગર દંડ પર 5000 રૂપિયા સુધીનો દંડ ભરવો પડશે. હાલ આ 500 રૂપિયા છે.
સીલ્ટ બેલ્ટ અને ઓવર સ્પીડ પર પણ વધ્યો દંડ
સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે.
મોબાઇલ પર વાત કરવા પર 5000 દંડ
મોબાઇલ પર વાત કરતાં ડ્રાઇવિંગ કરવા પર 5000 રૂપિયા સુધીનો દંડ ભરવો પડશે. હાલ માત્ર 1000 જ છે.