લૂકમાં રૂ. 1 લાખના iPhoneની જેમ લાગે છે Motorolaનો આ સ્માર્ટફોન માત્ર આટલી જ કિંમત

Motorolaએ પોતાનો નવો સ્માર્ટફોન Moto P30 લોન્ચ કરી દીધો છે. આ સ્માર્ટફોનનો લૂક એક લાખ રૂપિયાના iPhone X જેવો છે. જાણો આ સ્માર્ટફોન્સની કિંમત અને ફિચર્સ વિશે...

આ સ્માર્ટફોન Motorolaનો મિડ રેન્જ સ્માર્ટફોન છે. Moto P30માં 6.2 ઇંચની ડિસ્પ્લે આપવામાં આવી છે જેનો એસ્પેક્ટ રેશિયો 18.7:9 છે. આ સ્માર્ટફોન બ્લૂ બ્લેક અને વ્હાઇક કલરમાં મળશે. આ હેન્ડસેટ Android 8.0 Oreo પર આધારિત ZUI 4.0 ઑપરેટિંગ સિસ્ટમ પર કામ કરશે. જોકે Moto P30ને ચીનની વેબસાઇટ પર લિસ્ટ કરી દેવામાં આવ્યો છે. જોકે Moto P30 ચીનમાં લોન્ચ કરવામાં આવ્યો છે. આ સ્માર્ટફોન ભારતમાં ક્યારે લોન્ચ થશે તે અંગે કંપનીએ કોઇ સત્તાવાર રીતે જાણકારી આપી નથી.


Moto P30ના 6GB RAM અને 64GB ધરાવતા વેરિયન્ટની કિંમત 2099 ચીની યુઆન (લગભગ 21500 રૂપિયા) છે જ્યારે Moto P30ના 6GB RAM અને 128GB મેમરી ધરાવતા વેરિયન્ટની કિંમત 2499 ચીની યુઆન (લગભગ 25400 રૂપિયા) છે. 15 સપ્ટેમ્બરથી ચીનમાં Moto P30ની સેલ શરૂ થશે.

Moto P30માં 6.2 ઇંચની ફૂલ HD+ ડિસ્પ્લે આપવામાં આવી છે. ફોનમાં 1.8GHzનું ઑક્ટાકોર ક્વાલકૉમ સ્નેપડ્રેગન 636 પ્રોસેસર આપવામાં આવ્યુ છે. આ સિવાય કંપનીએ 2 વેરિયન્ટ લોન્ચ કર્યા છે જેમાં એક વેરિયન્ટમાં 6GB RAMની સાથે 64GBની ઇન્ટરનલ મેમરી આપવામાં આવી છે જ્યારે બીજી વેરિયન્ટમાં 6GB RAMની સાથે 128GBની ઇન્ટરનલ મેમરી આપવામાં આવી છે. આ બંને વેરિયન્ટની મેમરીને માઇક્રો SD કાર્ડની મદદથી 256GB સુધી વધારી શકાશે.

ડ્યુઅલ સિમ ધરાવતા Moto P30 4G VoLET સ્માર્ટફોન છે જે એન્ડ્રોઇડ 8.0 ઓરિયો પર રન કરશે. ફોટોગ્રાફી માટે આ સ્માર્ટફોનમાં ડ્યુઅલ રિયર કેમેરા સેટઅપ આપવામાં આવ્યુ છે. જેમાં એક કેમેરા 16GB મેગાપિક્સલ છે અને બીજો કેમેરા 5 મેગાપિક્સલનો છે. રિયર કેમેરા LED ફ્લેશ અને ફૂલ HD વીડિયો રેકોર્ડિંગની સાથે આવશે. સેલ્ફી અને વીડિયો કૉલિંગ માટે 12 મેગાપિક્સલનો ફ્રન્ટ કેમેરા આપવામાં આવ્યો છે. સિક્યોરિટી માટે રિયર કેમેરાની નીચે ફિંગર પ્રિન્ટ સેન્સર આપવામાં આવ્યુ છે જ્યારે સ્માર્ટફોન પાવર બેકઅપ માટે 3000mAHની બેટરી આપવામાં આવી છે.