IPLIN
 
  • Home
  • વિશ્વ
  • Motion against 'Hinduphobia' passed in America: Said this religion is the oldest-biggest

BIG NEWS / અમેરિકામાં 'હિન્દુફોબિયા' વિરુદ્ધ પ્રસ્તાવ પસાર: કહ્યું આ ધર્મ સૌથી જૂનો-સૌથી મોટો, જાણો પ્રસ્તાવ લાવવાની કેમ પડી જરૂર 

Team VTV 01:26 PM, 01 Apr 23
Follow us
Motion against 'Hinduphobia' passed in America: Said this religion is the oldest-biggest

હિંદુફોબિયા અને હિંદુ વિરોધી કટ્ટરતાને વખોડતા ઠરાવમાં કહેવામાં આવ્યું છે કે, હિંદુ ધર્મ એ વિશ્વનો સૌથી મોટો અને સૌથી જૂનો ધર્મ છે અને વિશ્વના 100 થી વધુ દેશોમાં 1.2 અબજ લોકો આ ધર્મમાં માને છે

  • અમેરિકાની જ્યોર્જિયા એસેમ્બલીમાં 'હિંદુફોબિયા' વિરુદ્ધ પ્રસ્તાવ પસાર
  • જ્યોર્જિયા આ પ્રકારનું કાનૂની પગલું લેનાર અમેરિકાનું પ્રથમ રાજ્ય બન્યું
  • હિંદુફોબિયા ઠરાવમાં કહેવાયું, હિંદુ ધર્મ એ વિશ્વનો સૌથી મોટો અને સૌથી જૂનો ધર્મ 

અમેરિકાની જ્યોર્જિયા એસેમ્બલીએ 'હિંદુફોબિયા' (હિંદુ ધર્મ પ્રત્યે પૂર્વગ્રહ)ની નિંદા કરતો ઠરાવ પસાર કર્યો છે. જેને લઈ હવે જ્યોર્જિયા આ પ્રકારનું કાનૂની પગલું લેનાર અમેરિકાનું પ્રથમ રાજ્ય બન્યું છે. વાત જાણે એમ છે એક, હિંદુફોબિયા અને હિંદુ વિરોધી કટ્ટરતાને વખોડતા ઠરાવમાં કહેવામાં આવ્યું છે કે, હિંદુ ધર્મ એ વિશ્વનો સૌથી મોટો અને સૌથી જૂનો ધર્મ છે અને વિશ્વના 100 થી વધુ દેશોમાં 1.2 અબજ લોકો આ ધર્મમાં માને છે. ઠરાવમાં કહેવામાં આવ્યું છે કે,  આ ધર્મ સ્વીકૃતિ, પરસ્પર આદર અને શાંતિના મૂલ્યો સાથે વિવિધ પરંપરાઓ અને માન્યતા પ્રણાલીઓનો સમાવેશ કરે છે

જ્યોર્જિયા એસેમ્બલીમાં પસાર કરવામાં આવેલ ઠરાવ 'હિંદુફોબિયા' (હિંદુ ધર્મ પ્રત્યે પૂર્વગ્રહ) માં કહેવામાં આવ્યું કે, છેલ્લા કેટલાક વર્ષોમાં દેશના ઘણા ભાગોમાં હિંદુ-અમેરિકનો વિરુદ્ધ નફરતના ગુનાઓના ઘણા કેસ નોંધાયા છે. દરખાસ્ત મુજબ કેટલાક 'શિક્ષણવિદો જેઓ હિંદુ ધર્મનો નાશ કરવાની હિમાયત કરે છે અને તેના પવિત્ર ગ્રંથો અને સાંસ્કૃતિક પ્રથાઓ પર હિંસા અને અત્યાચારનો આરોપ લગાવે છે' તેના દ્વારા હિંદુફોબિયાને વેગ મળ્યો છે.

વિવિધ ક્ષેત્રોમાં અમેરિકન-હિન્દુ સમુદાયનું યોગદાન 
આ સાથે જણાવાયુ છે કે, અમેરિકન-હિન્દુ સમુદાય વૈવિધ્યસભર ક્ષેત્રો જેમ કે દવા, વિજ્ઞાન અને એન્જિનિયરિંગ, ઇન્ફોર્મેશન ટેક્નોલોજી, હોસ્પિટાલિટી, ફાઇનાન્સ, શિક્ષણ, ઉત્પાદન, ઊર્જા અને છૂટક વેપારમાં મુખ્ય યોગદાન આપનાર છે. આ સાથે યોગ, આયુર્વેદ, ધ્યાન, ખોરાક, સંગીત અને કળાના ક્ષેત્રોમાં સમુદાયના યોગદાનથી સાંસ્કૃતિક ફેબ્રિકને સમૃદ્ધ બનાવવામાં આવ્યું છે અને અમેરિકન સમાજમાં વ્યાપકપણે અપનાવવામાં આવ્યું છે અને લાખો લોકોના જીવનમાં સુધારો થયો છે.

મહત્વનું છે કે, એટલાન્ટાના ફોર્સીથ કાઉન્ટીના લોકોના પ્રતિનિધિઓ લોરેન મેકડોનાલ્ડ અને ટોડ જોન્સ દ્વારા દરખાસ્ત રજૂ કરવામાં આવી હતી. એટલાન્ટામાં મોટી સંખ્યામાં હિન્દુ અને ભારતીય-અમેરિકન સમુદાયો વસે છે. આ સંસ્થાએ ઠરાવ લાવવામાં આગેવાની લીધી છે. તેમણે 22 માર્ચે 'જ્યોર્જિયા સ્ટેટ કેપિટલ'માં 'હિન્દુ એડવોકેસી ડે'નું આયોજન કર્યું હતું. લગભગ 25 જનપ્રતિનિધિઓએ તેમાં ભાગ લીધો હતો, જેમાં રિપબ્લિકન અને ડેમોક્રેટિક બંને પક્ષોના સભ્યો સામેલ હતા. COHNAના વાઇસ પ્રેસિડેન્ટ રાજીવ મેનને જણાવ્યું હતું કે, મેકડોનાલ્ડ અને જોન્સ તેમજ અન્ય જનપ્રતિનિધિઓ કે જેમણે આ ઠરાવ પસાર કરવાની સમગ્ર પ્રક્રિયામાં અમને માર્ગદર્શન આપ્યું હતું તેમની સાથે કામ કરવું ખૂબ જ સન્માનની વાત છે.

Resolution against Hinduphobia હિન્દુફોબિયા અમેરિકા હિંદુ ધર્મ હિંદુ વિરોધી કટ્ટરતા અમેરિકન-હિન્દુ સમુદાય
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ