એક નવા અભ્યાસમાં સંશોધકોએ જાણ્યું કે ત્રણમાંથી બે માતાઓને એક માનસિક સ્વાસ્થ્ય સમસ્યા હંમેશાં રહેતી હોય છે. સાયન્સ મેગેઝિન એડોલેસન્ટ હેલ્થ નામની જર્નલમાં પ્રકાશિત અભ્યાસમાં જાણવા મળ્યું કે અન્યની સરખામણીમાં કિશોરાવસ્થામાં માતા બનનાર મહિલાઓ માનસિક સ્વાસ્થ્યના પડકારો સૌથી વધુ સહન કરે છે. લગભગ 40 ટકા માતાઓ ડિપ્રેશન, ચિંતા, હાયપર એક્ટિવિટી જેવી કોઇ ને કોઇ માનસિક બીમારીથી પીડાય છે.
અન્યની સરખામણીમાં ઓછી ઉંમરની મહિલાઓ ચાર ગણી વધુ પરેશાન રહે છે: સંશોધન
વિશ્વમાં આ પહેલો અભ્યાસ, જેમાં પ્રસવ બાદ મહિલાઓનાં માનસિક સ્વાસ્થ્યની તપાસ કરવામાં આવી
40 ટકા માતાઓ ડિપ્રેશન, ચિંતા, હાયપર એક્ટિવિટી જેવી કોઇ ને કોઇ માનસિક બીમારીથી પીડાય છે
વર્ષ 2012 થી 2015ની વચ્ચે 450 માતાઓના સ્વાસ્થ્યની તપાસ કરી
સંશોધકોએ જણાવ્યું કે આ વિકાર 21 વર્ષથી વધુ ઉંમરની મહિલાઓની સરખામણીમાં નાની ઉંમરની મહિલાઓને ચાર ગણો વધુ હોય છે. આ અભ્યાસ દરમિયાન સંશોધકોએ વર્ષ 2012 થી 2015ની વચ્ચે 450 એવી માતાઓના સ્વાસ્થ્યની તપાસ કરી જે પોતાની પહેલી ડિલિવરી વખતે 21 વર્ષની હતી અને તેમાંથી પ્રાપ્ત થયેલા ડેટાની તુલના એવી મહિલાઓ સાથે કરી, જે 20 વર્ષની ઉંમર પહેલાં માતા બની ચૂકી હતી.
પ્રસવ બાદ મહિલાઓનાં માનસિક સ્વાસ્થ્યની તપાસ કરવામાં આવી
સંશોધકોએ કહ્યું કે કદાચ વિશ્વમાં આ પહેલો અભ્યાસ હશે, જેમાં પ્રસવ બાદ મહિલાઓનાં માનસિક સ્વાસ્થ્યની તપાસ કરવામાં આવી. અભ્યાસમાં જણાવાયું છે કે, યુવા માતાઓની માનસિક સ્વાસ્થ્ય સમસ્યા ઓળખીને તેનો ઉપચાર કરવો ખૂબ મહત્ત્વપૂર્ણ છે, કેમ કે તેમનું સ્વાસ્થ્ય તેમના બાળકોને પણ પ્રભાવિત કરે છે. કેટલીક વાર આ સમસ્યા એટલી ગંભીર થઇ જાય છે કે બાળકોએ આજીવન તેનું નુકસાન સહન કરવું પડે છે.