દુઃખદ / VIDEO: જનેતાનો જીવ કેમ ચાલ્યો ? 4 વર્ષના સગા દીકરાને ચોથા માળે ફેંકી દીધો, પોચા હ્રદયવાળા ન જૂએ આ દ્રશ્યો

• બેંગ્લોરમાં બની દર્દનાક ઘટના 
• માતાએ બાળકને ગેલેરીમાંથી બહાર ફેક્યું 
• ઘટનાસ્થળે બાળકનું થયું મૃત્યુ

કોઈપણ બાળક માટે તેની માતા આ દુનિયામાં સૌથી મોટી પાલક અને રક્ષક હોય છે. બાળકો ગમે તેવાં હોય પણ માતા ક્યારેય કુમાતા બનતી નથી. એક માતા પોતાના બાળકને દુનિયાની તમામ મુશ્કેલીઓથી બચાવે છે, પરંતુ બેંગ્લોરથી એક એવો વીડિયો સામે આવ્યો છે જેણે બધાને ચોંકાવી દીધા છે. અહીં એક માતા પોતાના જ 4 વર્ષના બાળકની દુશ્મન બની અને તેને એપાર્ટમેન્ટના ચોથા માળેથી નીચે ફેંકી દીધો. બાળકનું ઘટનાસ્થળે જ મોત થયું હતું.

બાળકને ફેંકી દીધું
બાળકનો જીવ લેનારી માતાનું આ શરમજનક કૃત્ય સીસીટીવી ફૂટેજમાં કેદ થયું હતું. વીડિયોમાં જોઈ શકાય છે કે મહિલા એપાર્ટમેન્ટની રેલિંગમાં બાળકને બંને હાથે પકડીને ઉભી છે અને તે માસૂમ બાળકને નીચે ફેંકી દે છે. આ પછી, તે પોતે રેલિંગ પર ચઢી જાય છે

Shocking 📹

Karnataka: Mother throws her own child to death from 5th floor of her apartment at SR Nagar Bengaluru and than sat on raling till residents pulled her down. pic.twitter.com/EQ0FzAsdSc

— R K sahu 🚩🚩KRT Team (@RohitSa1110) August 5, 2022

લોકોએ મહિલાને બચાવી
મહિલા થોડીવાર રેલિંગ પર ઉભી રહી, પરંતુ ત્યારે જ કેટલાક અન્ય લોકો ત્યાં આવી ગયા. લોકો પહેલા નીચે જુએ છે અને તે પછી તેને આખો મામલો સમજાય જાય છે. લોકો મહિલાને પકડીને રેલિંગ પાછળ ખેંચી લેય છે.

પોલીસે મહિલાની ધરપકડ કરી
પોલીસ ઘટનાસ્થળે પહોંચીને મામલાની તપાસ કરી રહી છે. પોલીસે જણાવ્યું કે બાળકનું ઘટનાસ્થળે જ મોત નીપજ્યું હતું. આ ચોંકાવનારી દર્દનાક ઘટના ઉત્તર બેંગ્લોરના એસઆર નગરના એપાર્ટમેન્ટમાં બની હતી. આ ઘટના ગુરુવારે બની હતી. મળતી માહિતી મુજબ બાળક માનસિક રીતે અશક્ત હતો. કહેવામાં આવી રહ્યું છે કે બાળક મૂંગો પણ હતો. મહિલા બાળકની બિમારીથી પરેશાન હતી અને તેથી જ તેણે આ ભયંકર પગલું ભર્યું હતું. પોલીસે મહિલાની ધરપકડ કરી છે.