નેશનલ હેરાલ્ડ કેસ / રાહુલ ગાંધીએ ઈડી પાસેથી માગી રાહત, 20 જૂન સુધી પૂછપરછ ટાળવાનું કહ્યું, જાણો શું આપ્યું કારણ

• નેશનલ હેરાલ્ડ કેસમાં રાહુલ ગાંધીની 3 વાર પૂછપરછ
• ઈડીએ શુક્રવારે પૂછપરછ માટે ફરી સમન્સ પાઠવ્યું
• પણ રાહુલ ગાંધીએ 20 જૂન સુધી માગ્યો સમય
• હોસ્પિટલમાં દાખલ માતા સોનિયાને મળવા જવાનું આપ્યું કારણ

નેશનલ હેરાલ્ડ કેસમાં રાહુલ ગાંધીની ઈડી દ્વારા ધમધોકાર પૂછપરછ ચાલી રહી છે. ઈડી અત્યાર સુધી રાહુલ ગાંધીની ત્રણ વાર પૂછપરછ કરી રહી છે અને હવે ચોથી વાર રાહુલ ગાંધીને શુક્રવારે પૂછપરછ માટે આવવાનું કહી દીધું છે પરંતુ રાહુલે હવે ઈડી પાસે રાહતની માગ કરી છે. 

Rahul Gandhi has requested ED to give him relaxation from appearing for questioning from 17th to 20th June citing his mother Sonia Gandhi's health condition. ED officials are yet to respond on his recent request to appear on Monday, 20th June: Congress Sources

(File photo) pic.twitter.com/rrNBbhDDO5

— ANI (@ANI) June 16, 2022

બીમાર માતાને મળવા હોસ્પિટલ જવું છે-રાહુલ ગાંધી 
રાહુલ ગાંધીએ ઈડીના અધિકારીઓને એવું કહ્યું કે 20 જૂન સુધી પૂછપરછ મોકૂફ રાખો કારણ કે તેમને તેમની બીમાર માતાને મળવા હોસ્પિટલ જવાનું છે. 

રાહુલની 30થી વધારે કલાકની પૂછપરછ થઈ 
નેશનલ હેરાલ્ડ કેસમાં ઈડી દ્વારા અત્યાર સુધી 30 કલાકથી વધારેની પૂછપરછ થઈ ચૂકી છે અને ઈડી હજુ પણ વધારે તપાસ કરવા માગે છે. 

સોનિયા ગાંધી સર ગંગારામ હોસ્પિટલમાં દાખલ 
ઈડીએ સોનિયા ગાંધીને પણ સમન્સ પાઠવ્યું છે પરંતુ સોનિયા હાલમાં કોરોના પોઝિટીવ હોવાથી દિલ્હીની સર ગંગારામ હોસ્પિટલમાં દાખલ છે. સૂત્રોના જણાવ્યા અનુસાર પ્રિયંકા ગાંધી પણ સોનિયા ગાંધી સાથે છે. નેશનલ હેરાલ્ડ કેસમાં  ઈડીએ 23 જૂને કોંગ્રેસ અધ્યક્ષને પૂછપરછ માટે બોલાવ્યા છે.  તેલંગાણા, યુપી, પંજાબ, હરિયાણા સહિત દેશના અનેક રાજ્યોમાં કોંગ્રેસે વિરોધ પ્રદર્શન કરીને રાજભવનનો ઘેરાવ કર્યો છે. ઉલ્લેખનીય છે કે, નેશનલ હેરાલ્ડની માલિકી ધરાવતી કંપની એજેએલને યંગ ઇન્ડિયા લિમિટેડે હસ્તગત કરી હતી. આ કંપનીમાં રાહુલ ગાંધી અને સોનિયા ગાંધીનો 76 ટકા હિસ્સો હોવાનું કહેવાય છે.