પ્રેરણાદાયક / મન હોય તો માળવે જવાય! માં-દીકરીઓએ સાથે આપી બોર્ડની પરીક્ષા, ત્રણેય થયા પાસ

• એક મા એ તેની બે દીકરીઓ સાથે બોર્ડની પરીક્ષા આપી હતી
• ત્રણેય મા દીકરીઓ સારા ક્રમાંકે પાસ થઈ ગઈ
•  નાની ઉંમરે લગ્ન થઈ ગયા હતા જેથી તે આગળ ભણી શકી નહતી

દીકરા-દીકરીને પરીક્ષામાં સારા ગુણોથી પાસ થતા હોવા એ દરેક માતાપિતાનું એક સપનું હોય છે પણ એવામાં જો એવું બને કે બાળકોની સાથે તેના માતા કે પિતા પણ પરીક્ષા આપવા બેસે અને સારા ક્ર્માંકથી પાસ થઈ જાય. આવા ઉદાહરણ ઘણા ઓછા જોવા મળે છે. કહેવાય છે કે કઈં પણ શીખવાની કોઇ ઉંમર નાથી હોતી એવામાં જ આ કહેવતને સાચી પાડતા એક મા એ કમાલ કરી બતાવ્યો છે.

 જેમાં એક મા એ તેની દીકરી સાથે બોર્ડની પરીક્ષા આપી અને પાસ પણ થઈ ગઈ. 6 જુલાઇના રોજ ત્રિપુરા બોર્ડના 10મા- 12માના પરિણામો બહાર પડ્યા હતા. આ પરીક્ષામાં એક મા એ તેની બે દીકરીઓ સાથે બોર્ડની પરીક્ષા આપી હતી. જેમાં ત્રણેય મા દીકરીઓ સારા ક્રમાંકે પાસ થઈ ગઈ છે. જો કે આ કમાલ કરનારી મા શીલા રાની દાસે 10મા ધોરણની અને તેની બંને દીકરીઓએ 12મા ધોરણની પરીક્ષા આપી હતી. 

Tripura | Shila Rani Das along with her two daughters cleared board exams in Agartala

We are happy as our mother passed class 10th exam and my sister and I cleared our 12th class. We motivated her and also helped in her studies: Jayashree Das, daughter of Shila Rani Das (06.07) pic.twitter.com/iS90QttBVj

— ANI (@ANI) July 7, 2022

આ વિશે વાત કરતાં તેમની દીકરી જયશ્રી દાસે જણાવ્યુ હતું કે, ' હું ખૂબ જ ખુશ છું કે મારી મા એ 10મા ધોરણની પરીક્ષા આપી અને તેઓ પાસ પણ થઈ ગયા. અમે બંને બહેનોએ તેમણે હંમેશા પ્રેરિત કર્યા હતા અને તેમને વાંચવામાં મદદ પણ કરી હતી. સાથે જ શીલા દાસે તેની ખુશી જાહેર કરતાં કહ્યું હતું કે, હું ખૂબ જ ખુશ છું કે આટલી ઉંમરે મે પરીક્ષા આપી અને વાંચવામાં વધુ સમય આપી નહતી શકી એ છતાં પણ હું સારા ક્રમાંકે પાસ થઈ ગઈ છું એ વાત પર મને ભરોસો નથી આવતો.'

શીલાના નાની ઉંમરે લગ્ન થઈ ગયા હતા જેથી તે આગળ ભણી શકી નહતી. થોડા સમય પહેલા તેના પતિ મૃત્યુ પામ્યા એ પછી શીલા એકલા હાથે તેના બાળકોનું ધ્યાન રાખી રહી હતી અને તેની દીકરીઓ એ પરીક્ષા આપવા માટે પ્રેરિત કરી હતી.