રાજસ્થાનમાં લવ મેરેજનો એક અનોખો કિસ્સો સામે આવ્યો છે. અહીં એક મહિલાએ પોતાના પતિ અને પાંચ બાળકોને છોડી પ્રેમી સાથે ફરાર થઈ ગઈ હતી.
રાજસ્થાનમાંથી એક ચોંકાવનારો કિસ્સો સામે આવ્યો
પાંચ બાળકોની માતા બાળકોને છોડી પ્રેમી સાથે ભાગી ગઈ
પ્રેમીને પણ છે પાંચ બાળકો, કુલ 10 બાળકો નોંધારા થયાં
રાજસ્થાનમાં લવ મેરેજનો એક અનોખો કિસ્સો સામે આવ્યો છે. અહીં એક મહિલાએ પોતાના પતિ અને પાંચ બાળકોને છોડી પ્રેમી સાથે ફરાર થઈ ગઈ હતી. મહિલાના પ્રેમીને પણ પાંચ બાળકો છે. આ લગ્નથી 10 બાળકો માતાના પ્રેમથી વંચિત થઈ ગયા છે. મહિલાએ પોતાના બાળકોને બાલ કલ્યાણ સમિતિને સોંપી દીધા હતા. તો વળી પ્રેમીએ પાંચ બાળકો અને તેની પ્રથમ પત્નીને તેના દાદાને ત્યાં મુકી આવ્યો છે. પ્રેમીના પિતાએ દિકરાના આવા કાંડથી નિરાશ થઈને તેને પરિવારમાંથી બેદખલ કર્યો છે.
પોલીસના જણાવ્યા અનુસાર, મામલો રાજસ્થાનના અલવર જિલ્લાનો છે. હરિયાણાના તાવડુ નિવાસી મહિલા નૂરજહાંના લગ્ન વર્ષ 2007માં અલવર જિલ્લાના સદર વિસ્તારમાં જાજોર વાસના તૈયબ ખાન સાથે થયા હતા. લગ્નના 15 વર્ષ બાદ નૂરજહાં પોતાના પાંચ બાળકો છોડીને અલવરના તુલેડા ગામ નિવાસી પોતાના પ્રેમી મૌસમ ખાન સાથે લગ્ન કરી લીધા. મૌસમ ખાન પણ પરણેલો છે અને તેને પણ પાંચ બાળકો છે.
મા છોડીને જતાં બાળકો નોંધારા થયા
નૂરજહાં જ્યારે પોતાના બાળકોને બાળ સંરક્ષણ આયોગમાં છોડીને પ્રેમી સાથે ફરાર થઈ ગઈ તો, તેના બાળકો નોંધારા થઈ ગયા અને લાચાર થઈ પોતાની મમ્મીને જોતા રહ્યા હતા. પણ પોલીસ અને બાળ કલ્યાણ સમિતિના સભ્ય નિ: સહાય બની રહ્યા. તેમના બાળકોને બાળગૃહમાં મોકલી દેવામાં આવ્યા છે. બીજી તરફ મૌસમ દ્વારા પ્રેમિકા સાથે લગ્ન કર્યા બાદ માતા-પિતાએ તેમના દિકરાના સંતાનો અને દિકરાની પત્નીને પોતાની પાસે રાખી લીધા. તેમણે પોલીસમાં ફરિયાદ નોંધાવીને મૌસમને પરિવારમાંથી બેદખલ કરી દીધો છે.
મૌસમના પિતાએ પોલીસને જણાવ્યું છે કે, જે વ્યક્તિ પોતાની પત્ની અને બાળકોનો ન થયો, તો વૃદ્ધ માતા-પિતાનો શું થવાનો. એટલા માટે અમે તેને ઘર અને સંપત્તિમાંથી બેદખલ કરીએ છીએ. અલવરના સદર પોલીસ સ્ટેશનના એએસઆઈ બ્રહ્મ પ્રકાશે જણાવ્યું છે કે, નૂરજહાં અને મૌસમ ખાન ગુરુવાર રાતે જયપુર હાઈકોર્ટ દ્વારા પ્રોટેક્શન લઈને અલવર આવ્યા હતા. નૂરજહાંએ કહ્યું કે, તેણે 3 મહિના પહેલા જયપુરમાં મૌસમ ખાન સાથે પોતાની મરજીથી લગ્ન કર્યા. હવે બાળકોને બાળ સંરક્ષણ ગૃહમાં છોડીને તેની સાથે જવા માગુ છું.
નૂરજહાંએ કહ્યું પૂર્વ પતિને કેટલાય વર્ષથી સાંખી રહી હતી
સદર પોલીસ સ્ટેશન અને બાળ કલ્યાણ સમિતિએ નૂરજહાંને સમજાવવાની કોશિશ કરી. જો કે પહેલા તો તેણે બાળકોને સાથે રાખવા માટે હા પાડી, પણ બાદમાં ફરી ગઈ. નૂરજહાંએ પોતાના પૂ્ર્વ પતિ પર આરોપ લગાવ્યો કે, તે ટ્રક ડ્રાઈવર છે. તે ઘરે આવે અને પાછો જતો રહેતો. તેનું ધ્યાન નહોતો રાખતો. બાળકોનું પણ ધ્યાન નહોતો રાખતો. ઘણા વર્ષ સુધી આવું સહન કર્યું પણ હવે થતું નથી.