સુરત / હથેળી પર "પતિ મુઝે પરેશાન કરતા હૈ" લખી બે સંતાનની માતાએ જીવન ટૂંકાવ્યું

• પરવટ ગામે 2 સંતાનોની માતાનો આપઘાત
• હથેળી પર લખ્યું "પતિ મુઝે પરેશાન કરતા હૈ" 
• 27 વર્ષીય સીતા ગૌસ્વામી ઝારખંડના વતની હતા 
• લીંબાયત પોલીસે તપાસ હાથ ધરી

સુરતમાં એક મહિલાના આપઘાતનો બનાવ સામે આવ્યો છે. જેમાં પત્નીએ પોતાની હથેળી પર "પતિ મુઝે પરેશાન કરતા હૈ" લખી જીવન ટુંકાવ્યું છે. મહત્વનું છે કે આપઘાત કરનાર મહિલાને બે સંતાનો પણ છે. ઘટનાની જાણ થતાં લીંબાયત પોલીસ ઘટના સ્થળે પહોચી આગળની કાર્યવાહી હાથ ધરી છે.

પોલીસ ઘટના સ્થળે

પ્રાપ્ત માહિતી પ્રમાણે સુરતના પરવટ ગામે એક મહિલાએ ગળેફાંસો ખાઈ જીવન ટુંકાવી લીધું છે. પરંતુ તેની સાથે તેઓએ કોઈ સ્યુસાઈડ નોટ નથી લખી પરંતુ હથેળી પર "પતિ મુઝે પરેશાન કરતા હૈ" લખી ગળે ફાંસો ખાઈ લીધો છે. આપધાત કરનાર મહિલાને બે સંતાનો પણ છે. ઘટનાની જાણ થતાં લીંબાયત પોલીસ ઘટના સ્થળે પહોચી આગળની કાર્યવાહી હાથ ધરી હતી. જેમાં પતિના ત્રાસના કારણે આ પગલુ ભર્યાનું પ્રાથમિક તપાસમાં સામે આવ્યુ છે.

પરીવાર ફરિયાદ કરશે તો પોલીસ પતિ વિરૂદ્ધ નોંધશે ગુનો

સુરતના પરવટ ગામે બે સંતાનની માતાએ આજે ગળે ફાંસો ખાઈને જીવન ટુંકાવ્યું છે. ત્યારે ઘટનાની જાણ થતાં પોલીસ ઘટના સ્થળે ગળેફાંસો શા માટે ખાધો, કોણે મજબુર કરી? જેવી તમામ પ્રકારની વિગત મેળવવા આગળની કાર્યવાહી હાથ ધરી હતી. જેમાં પ્રાથમિક તપાસમા જાણવા મળ્યું કે પતિ પરેશાન કરતો હતો જેના કારણે મહિલાએ કંટાળીને આ પગલુ ભર્યુ હતુ. હવે જો પરીવાર ફરિયાદ કરશે તો પોલીસ પતિ વિરૂદ્ધ ગુનો નોંધી આગળની કાર્યવાહી કરી શકે છે.