ભારે કરી! / માતાએ 6 વર્ષના બાળક સાથે કર્યો અજીબ 'એગ્રીમેન્ટ', આવું ટાઈમ ટેબલ જોઈને માથુ પકડી લેશો

• સોશિયલ મીડિયા પર વાયરલ થઈ રહ્યો છે આ ફોટો 
• 6 વર્ષના બાળક સાથે માતાએ કર્યુ એગ્રીમેન્ટ 
• જાણો એગ્રીમેન્ટમાં શું લખ્યું

નાનપણમાં આપણે પણ ક્યારેક ટાઈમ ટેબલ બનાવ્યું હશે. પરંતુ આપણે તેનો થોડા દિવસ પણ ફોલો નહીં કર્યું હોય અને થોડા દિવસ પછી આપણુ ટાઈમ ટેબલ બગડી જાય છે. સોશિયલ મીડિયા પર એક ફોટો ખૂબ વાયરલ થઈ રહ્યો છે. જેમાં કોઈ પેરેન્ટ્સે પોતાના છ વર્ષના બાળક માટે એક ટાઈમ-ટેબલ તૈયાર કર્યું છે. પરંતુ તેમાં બાળકનું પણ એગ્રીમેન્ટ છે. 

6 વર્ષના બાળકની સાથે માતાનું દિવસભરનું રૂટીન 
સોશિયલ મીડિયા પ્લેટફોર્મ રેડિટના એક એકાઉન્ટ પર ટાઈમ ટેબલનો ફોટો ખૂબ વાયરલ થઈ રહ્યો છે. આ ટાઈમ ટેબલમાં અમુક એવી વસ્તુઓ લખી છે. જે તમને ચોંકાવી શકે છે. તસ્વીરની સાથે કેપ્શનમાં લખ્યું છે. "મેં અને મારા 6 વર્ષના બાળકે આજે એક એગ્રીમેન્ટ સાઈન કર્યો છે. જે તેમના ડેલી શેડ્યુલ અને પરફોર્મન્સ લિંક્સ બોનસ પર આધારિત છે." એટલે કે માતાએ બાળકને સહમતિની સાથે ટાઈમ ટેબલ તૈયાર કર્યું છે. જેમાં તેનું રમવાનું, ખાવાનું, દૂધ પીવાનું પણ શામેલ છે. 

રૂટીન ફોલો કરવાની સાથે મુકી આટલી શરતો 
ટાઈમ ટેબલ પર જોઈ શકાય છે કે એલામ સવારના 7.50એ રાખવામાં આવ્યું છે. જ્યારે તેના ઉઠવાનો સમય સવારે 8 વાગ્યે રાખ્યો છે. ત્યાર બાદ બ્રશ, બ્રેકફાસ્ટ, ટીવી જોવું, ફળ ખાવા, રમવું, દૂઘ પીવું, ટેનિસ રમવું, હોમવર્ક કરવું, ડિનર, સફાઈ કરવી, સુવાનો ટાઈમ વગેરે લખેલું છે. 

આટલું જ નહીં સૌથી રસપ્રદ વાત તો એ છે કે જો દિવસભર વગર રોયે અને વગર બુમો પાડે અથવા તોડ-ફોડ કરે પસાર કર્યો તો 10 રૂપિયા મળશે. આટલું જ નહીં, જો રૂટીન ફોલો કરતા 7 દિવસ પસાર કર્યા તો 100 રૂપિયા મળશે. રેડિટ પર તેને અત્યાર સુધી અઢી હજારથી વધારે લોકોએ લાઈક કર્યું છે.