શરમજનક / ચોંકાવનારો કિસ્સો : માતાએ એવું કામ કરીને બાળકને કરાવ્યું ધાવણ કે થઈ ગયું મોત

• માતાએ લીધો બાળકનો ભોગ
• આદત પડી ભારે ગુમાવ્યુ સંતાન
• પોલિસે કરી ધરપકડ 

ડ્રગ્સનું સેવન પડ્યુ ભારે 
અમેરિકામાં એક મહિલા પર આરોપ છે કે તેણે ડ્રગ્સનું સેવન કર્યુ અને બાદમાં તેના ત્રણ મહિનાના બાળકને દૂધ પીવડાવ્યું જેનાથી તે બાળકનું મોત થયુ હતુ. 31 વર્ષની ઑટમના શરીરમાં મિથેમફેટામિન મોટી માત્રામાં મળી આવ્યું હતું. ઐ ડ્રગને સામાન્ય ભાષામાં મેથ કહેવામાં આવે છે અને આ એડિક્ટિવ હોય છે. 

અમેરિકાના ન્યૂ ઓરલિએન્સમાં રહેનારી ઑટમના ઘરે મેડિકલ ટીમ પહોંચી ત્યારે તેને ખબર મળી કે ઑટમનું બાળક કોઇ પ્રતિક્રિયા નથી આપી રહ્યું. તપાસ કરતા ખબર પડી કે બાળકની મોત થઇ ચૂકી છે. 

11 ડિસેમ્બરે જ્યારે રિપોર્ટ આવ્યો ત્યારે જાણ થઇ કે ઑટમે ડ્રગ્સ લીધુ હતુ અને બાદમાં તેણે ગાંજાનું સેવન પણ કર્યુ હતુ. આ રિપોર્ટ સામે આવ્યા બાદ તેની ધરપકડ કરી લેવામાં આવી છે. 

ઑટમે પૂછપરછમાં કબૂલ્યુ હતુ કે તેણે મેથ અને ગાંજાનું સેવન કર્યુ હતુ અને તેના બાળકને દૂધ પીવડાવ્યુ હતુ. ઑટમના ઘરેથી અન્ય ડ્રગ્સ પણ મળ્યા હતા. 

પહેલા પણ થઇ છે આ રીતે મોત 
અમેરિકામાં આ પહેલો કેસ નથી કે કોઇ બાળકની મોત આ રીતે થઇ હોય, આ પહેલા પણ 36 વર્ષીય મહિલાએ મેથનો ઉપયોગ કરીને બાળકને દૂધ પીવડાવતા તેની મોત થઇ ગઇ હતી.