અમરેલી / મહિલાએ એકસાથે ચાર બાળકોને આપ્યો જન્મ, ગુજરાતનો આ કિસ્સો જાણીને તમે પણ આશ્ચર્યમાં મુકાઈ જશો 

• રાજુલામાં મહિલાએ એક સાથે 4 બાળકોને આપ્યો જન્મ
• મહિલાએ 2 પુત્રી અને 2 પુત્રને એકસાથે જન્મ આપ્યો
• ખાનગી હોસ્પિટલમાં મહિલા હતી સારવાર હેઠળ

અમરેલી જિલ્લાના રાજુલામાં એક આશ્ચર્ય પામે તેવી ઘટના બની છે.  જેમાં એક 22 વર્ષીય માતાએ એક સાથે ચાર બાળકોને જન્મ આપતા તબીબો પણ આશ્ચર્યમાં મુકાયા છે. આ ચારેય બાળકોના તંદુરસ્ત છે અને  જન્મ બાદ માતાની પણ તબિયત સ્થિર હોવાનું જાણાઈ રહ્યું છે 

રાજુલામાં મહિલાએ એક સાથે 4 બાળકોને આપ્યો જન્મ

અમરેલીના રાજુલામાં રહેતા રેશ્માબેન સેલોતને પ્રસુતિ માટે ખાનગી હોસ્પિટલમાં લાવવામાં આવ્યા હતા જ્યાં મહિલાએ બે પુત્રીઓ અને 2 પુત્રને જન્મ આપ્યો છે, પ્રસુતિ માટે આવેલી મહિલાની તબિયત થોડી ગંભીર જણાતા બાળકોને સિઝીરિયન કરીને જન્મ આપવામાં આવ્યો હતો. જોકે હાલ મહિલા અને તેના ચારેય બાળકો તંદુરસ્ત છે તેમજ મહિલાની તબિયત પણ સ્થિત છે. 

મહિલાએ 2 પુત્રી અને 2 પુત્રને એકસાથે જન્મ આપ્યો

મહત્વનનું છે કે રાજુલા શહેરમાં રહેતા સેલોત પરિવારમાં એક સાથે ચાર બાળકોનું આગમન થતા પરિવારજનોમાં ખુશીની લહેર જોવા મળી રહી છે. અલ્તાફભાઈ અને રેશ્માબેન સેલોતના ઘરે પ્રથમ સંતાનની રાહ જોવાઈ રહી હતી. ઈશ્વરે એક બે નહીં પણ એક સાથે ચાર ચાર સંતાનો ભેટ આપીને પરિવારને ખુશીઓથી ભરી દીધું છે જેથી પરિવારજનોમાં આનંદ જોવા મળી રહ્યો છે. હાલ મહિલા અને તેના ચારેય બાળકો સંપૂર્ણ તંદુરસ્ત જોવા મળી રહ્યા છે જ્યારે મહિલાની તબિયત પણ સ્થિર જણાઈ રહી છે.