મા તો મમતાની મૂર્તિ હોય છે. ભલે તે માણસ હોય કે જાનવર. આ કડવું સત્ય છે કે, કોઈ પણ માતા માટે પોતાના સંતાનનું મોત અત્યંત પીડાદાયક હોય છે.
મા એ મા, જાનવર હોય કે માણસ...
માદા હાથી પોતાના મરેલા બચ્ચાને લઈને આમ તેમ ભટકતી રહી
બચ્ચાને છોડવા માટે તૈયાર નથી હાથીણી
મા તો મમતાની મૂર્તિ હોય છે. ભલે તે માણસ હોય કે જાનવર. આ કડવું સત્ય છે કે, કોઈ પણ માતા માટે પોતાના સંતાનનું મોત અત્યંત પીડાદાયક હોય છે. તેનું જીવતું જાગતુ ઉદાહરણ પશ્ચિમ બંગાળના જલપાઈગુડીમાં જોવા મળ્યું છે. એક માદા હાથી પોતાના મરેલા બચ્ચાને લઈને કેટલાય કલાકો સુધી આમ તેમ ભટકતી રહી છે. આ ભાવૂક વીડિયો હવે સોશિયલ મીડિયા પર ખૂબ વાયરલ થઈ રહ્યો છે.
7 કિમી સુધી બચ્ચાને લઈને ફરતી રહી માદા હાથી
જલપાઈગુડીમાં ચાના બગીચામાં શુક્રવારે એક હાથીના બચ્ચાનું મોત થઈ ગયું હતું. પોતાના મૃત બચ્ચાને લઈને હાથીણી બગીચામાં ફરતી રહી. તે લગભગ 7 કિમી સુધી સૂંઢમાં લઈને રડતા રડતા ફરતી જોવા મળી હતી.
ભાવૂક કરી દેતું આ દ્રશ્ય
આ ભાવૂક કરી દેતું દ્રશ્ય ચામૂર્ચી ગ્રામ પંચાયત વિસ્તારના આમબાડી ચાના બગીચામાં જોવા મળ્યું હતું. તેની આંખોમાં આંસૂ હતા. શુક્રવારની સવારે આ વિસ્તારમાં ચાના બગીચામાં શ્રમિકો હાથીના બચ્ચાને તેની માતા દ્વારા આમતેમ ભટકતી જોઈ હતી.
#WATCH | WB: A mother elephant seen carrying carcass of her dead calf in Ambari Tea Estate, Jalpaiguri. A team of Binnaguri wildlife reached there to retrieve the carcass but elephant walked away to Redbank Tea Estate. Cause of death yet to be ascertained.
ત્યાર બાદ બિનાગુડી વાઈલ્ડ લાઈફ સ્ક્વોડના વન કર્મચારીઓને ઘટના સ્થાળે બોલાવામાં આવ્યા. જો કે, વનકર્મીઓને માતાથી બચ્ચાને અલગ કરી શક્યા નહોતા. માતા હાથીણી પોતાના બચ્ચાને લઈને લગભગ 6 કિમી દૂર ચાના બગીચામાં લઈને જતી રહી. માતા હાથીણી કોઈ પણ ભોગે પોતાના બચ્ચાને છોડવા માટે તૈયાર નહોતી.