હાલમાં જ અમૂલે દેશભરમાં દૂધના ભાવમાં મોટો વધારો કર્યો હતો અને હવે આ દૂધના ભાવમાં પ્રતિ લિટરે 2 રૂપિયાનો વધારો આવ્યો છે. હવે ગ્રાહકોને વધું એક ઝટકો લાગ્યો છે.
જનતાને લાગ્યો મોંઘવારીનો ઝટકો
અમૂલ બાદ આ દૂધનો ભાવ પણ વધ્યો
લિટરે 2 રૂપિયાનો થયો વધારો
હાલમાં જ અમૂલે દેશભરમાં દૂધના ભાવમાં મોટો વધારો કર્યો હતો અને હવે આ દૂધના ભાવમાં પ્રતિ લિટરે 2 રૂપિયાનો વધારો આવ્યો છે. હવે ગ્રાહકોને વધું એક ઝટકો લાગ્યો છે. કારણ કે, મદર ડેરીએ રવિવારે દિલ્હી-એનસીઆરમાં દૂધના ભાવમાં બે રૂપિયા પ્રતિ લિટરે વધારો ઝીકી દીધો છે.
શા માટે વધારવામાં આવી કિંમતો
મદર ડેરીએ આ અગાઉ જૂલાઈ 2021માં દૂધના ભાવ વધારી દીધા હતા અને હવે તેમનું કહેવું છે કે, મિલ્ક પ્રોક્યોરમેંટમાં જૂલાઈ 2021 બાદ લગભગ 8થી 9 ટકાનો વધારો જોવામાં આવ્યો હતો, તેને લઈને તેના ભાવમાં વધારો કરવો પડ્યો છે.
Mother Dairy increases the price of milk by Rs 2. The prices will come into effect from tomorrow (March 6, 2022) pic.twitter.com/tuUy4u1Y6N
મદર ડેરીનું ટોકન મિલ્ક 44 રૂપિયા પ્રતિ લિટરથી વધીને હવે 46 રૂપિયા પ્રતિ લિટર થઈ ગયું
અમૂલે પણ વધાર્યા હતા ભાવ
અમૂલ ગોલ્ડ, અમૂલ શક્તિ, અમૂલ તાજા સ્પેશિયલના ભાવમાં પ્રતિ લીટર બે રૂપિયાનો વધારો કરવામાં આવ્યો છે. ભાવ વધારાની અસર નાના શહેરોથી લઇને અમદાવાદ, સુરત, મુંબઇ, દિલ્હી જેવા મોટા શહેરોમાં સહિત આખાય દેશમાં જોવા મળશે.મહત્વનું છે કે અમૂલ દૂધના પ્રતિ લિટર પાઉચમાં રૂપિયા 2નો વધારો જ્યારે 500 MLના પાઉચમાં રૂપિયા 1નો વધારો કરવામાં આવ્યો છે.