ગજબ / રાજકોટના આ માતા-પુત્રની સ્થિતિનો અજીબો ગરીબ કિસ્સો ભલભલાની આંખમાં પાણી લાવી દેશે

• રાજકોટમાં વધુ એક ચોંકાવનારો કિસ્સો
• 2 વર્ષથી ઘરમાં બંધ રહેતા હતા માતા-પુત્ર
• સામાજિક સંસ્થા દ્વારા અભયમને કરાઇ જાણ

આખરે આ વિશે સામાજિક સંસ્થા દ્વારા અભયમને જાણ કરાઈ હતી. 2 વર્ષથી ઘરમાં બંધ માતા-પુત્રને બહાર કઢાયા હતા. બે વર્ષથી બંધ માતા-પુત્રની માનસિક સ્થિતિ ખરાબ હોવાનું અનુમાન કરવામાં આવી રહ્યું છે. હાલ બંન્નેને સિવિલ હોસ્પિટલ સારવાર માટે ખસેડાયા છે. 

યુવતી પુરાઈ ગઈ હતી રૂમમાં

રાજકોટના સાથી સેવા ગ્રુપા જલ્પાબેન પટેલ અને તેમની ટીમે શહેરના સાધુ વાસવાણી રોડ પર આવેલા એક ઘરમાંથી યુવતીનું રેસ્ક્યુ કર્યું છે. આ યુવતી ઘરના એક રૂમમાં છેલ્લા 6 મહિનાથી પુરાયેલી હોવાનું જાણવા મળી રહ્યું છે. 25 વર્ષીય અલ્પા નામની યુવતી MBA પાસ અને CAનો અભ્યાસ કરતી હતી. જોકે તે 6 મહિનાથી એક જ રૂમમાં પુરાઇ હતી. તેણે છેલ્લા 7-8 દિવસથી ખાધુ-પીધું ન હોવાથી કોમમાં સરી પડી હતી અને તેના મોઢામાં ફીણ આવી ગયેલી હાલતમાં મળી આવી હતી. ત્યારબાદ આ ગ્રુપ દ્વારા યુવતીને તાત્કાલિક સારવાર માટે સિવિલ હોસ્પિટલ ખસેડી છે. તો આ યુવતીના રૂમમાં યુરિન ભરેલી કોથળીઓ અને ડબા મળી આવ્યા છે. આ રૂમમાં ખૂબ જ ગંદકી હતી. જોકે અંધશ્રદ્ધામાં યુવતીને બંધક બનાવી હોવાની ચર્ચા થઇ રહી છે. આ યુવતીના પરિવારમાં માતા, પિતા, કાકા અને મોટી બહેન છે.

રાજકોટના કિસાનપરા 3 ભાઈ બહેને પણ પોતાની જાતને પૂરી દીધી હતી

કિસાનપરા ચોક શેરી નં.8માં સાથી સેવા ગ્રુપ દ્વારા છેલ્લા 10 વર્ષથી એક જ ઓરડીમાં પુરાઇને રહેતા બે ભાઇ અને એક બહેનને બહાર કાઢવામાં આવ્યા છે.  LLB બીકોમ અને સાયકોલોજીનો અભ્યાસ કરી ચુકેલા બે ભાઇ અને એક બહેનની માનસિક સ્થિતી ખરાબ થઇ હતી. જેથી પોતાની જાતને આશરે 10 વર્ષ સુધી એક ઓરડીમાં પુરી રાખ્યા હતા. માનસિક સ્થિતી ખરાબ  હોવાને કારણે ત્રણેય ભાઇ-બહેને આ કૃત્ય આચર્યું હતું. જેથી સાથી સેવા ગ્રુપ દ્વારા ઓરડીનો દરવાજો તોડીને ત્રણેયને બહાર કાઢવામાં આવ્યા હતા.