વડાપ્રધાન મોદીના આમંત્રણ પર ડોનાલ્ડ ટ્રમ્પ અમદાવાદનાં પ્રવાસ પર આવશે અને તે દરમિયાન મોટેરા સ્ટેડીયમમાં ભવ્ય કાર્યક્રમ યોજવામાં આવશે. ડોનાલ્ડ ટ્રમ્પ આ સ્ટેડીયમમાં સંબોધન કરે તે પહેલા મોટેરાના સરદાર પટેલ સ્ટેડીયમને મોટો અવોર્ડ એનાયત કરવામાં આવ્યો છે. આ સાથે જ સ્ટેડીયમ ભારતનું પહેલું ગ્રીન રેટેડ ક્રિકેટ સ્ટેડીયમ બની ગયું છે.
મોટેરા સ્ટેડીયમમાં યોજાશે ભવ્ય કાર્યક્રમ
મોટેરા સ્ટેડીયમને મળ્યો ગ્રીન બિલ્ડીંગ અવોર્ડ
મોટેરા સ્ટેડીયમમાં ઉપલબ્ધ વિવિધ સુવિધાઓના લીધે મળ્યો અવોર્ડ
અમદાવાદના મોટેરા સ્થિત સરદાર પટેલ સ્ટેડીયમ દુનિયાનું સૌથી મોટું ક્રિકેટ સ્ટેડીયમ છે. સ્ટેડીયમને ગ્રીન બિલ્ડીંગ અવોર્ડ મળ્યો છે. સાથે જ તે ભારતનું પહેલું ગ્રીન રેટેડ ક્રિકેટ સ્ટેડીયમ બની ગયું છે. ઇન્ડિયન ગ્રેન બિલ્ડીંગ કોંગ્રેસે આ સ્ટેડીયમના ખૂબ વખાણ પણ કર્યા છે અને તે બાદ ગ્રીન બિલ્ડીંગ અવોર્ડ પણ એનાયત કરવામાં આવ્યો છે.
આ સ્ટેડીયમમાં વડાપ્રધાન મોદી અને અમેરિકન રાષ્ટ્રપતિ ટ્રમ્પ સભાને સંબોધિત કરશે. અમેરિકામાં હાઉડી ટ્રમ્પની જેમ જ અમદાવાદમાં નમસ્તે ટ્રમ્પ કાર્યક્રમ કરવામાં આવશે. આખા અમદાવાદને ટ્રમ્પના સ્વાગત માટે નવી દુલ્હનની જેમ સજાઈ દેવામાં આવ્યું છે. અમદાવાદમાં ટ્રમ્પ એક રોડ શો પણ કરશે. અમદાવાદના રસ્તા રાતોરાત દુબઈ જેવા થઇ ગયા. સમગ્ર અમદાવાદમાં લોખંડી સુરક્ષા વ્યસ્થા પણ ગોઠવી દેવામાં આવી છે.
મોટેરા સ્ટેડીયમનું પુનર્નિર્માણ કરવામાં આવ્યું છે. આ સ્ટેડીયમ 1982માં બન્યું હતું. તે સમયે સરકારે ગુજરાત સરકારે 50 એકર જમીન આપી હતી. વર્ષ 1983માં આ
સ્ટેડીયમમાં આંતરરાષ્ટ્રીય મેચનું અયોજન કરવામાં આવ્યું હતું.
હરિયાળી વધારવા માટે 11 એકર જમીનમાં વનસ્પતિની વ્યવસ્થા
હાઈ પરફોર્મન્સ એયર કંડીશન સીસ્ટમ
1 MLD કેપેસીટીની સીવેજ ટ્રીટમેન્ટ સુવિધા
3400 ટન કન્સ્ટ્રકશન કચરાને લેન્ડફિલ કરવામાં આવશે
100 ટકા LEDની વ્યવસ્થા
દરવર્ષે 1.2 મીલીયન લીટર પાણી બચાવી શકે તેવી સુવિધા
દરરોજ ૩૨ લાખ લીટર પાણી રેન હાર્વેસ્ટિંગ મારફતે સંગ્રહી શકાય તેવી સુવિધા