આજે મુખ્યમંત્રી વિજય રૂપાણીની અધ્યક્ષતામાં કેબિનેટની બેઠક મળશે. આ બેઠકમાં નવા મોટર વ્હિકલ એક્ટના મુદ્દે ચર્ચા કરવામાં આવશે. આ ઉપરાંત રાજ્યમાં પડેલા વરસાદ બાદની સ્થિતિની અંગે સમીક્ષા થશે.
નવો મોટર વ્હિકલ એકટનો મુદ્દો કેબિનેટમાં છવાશે
રાજ્યમાં વરસાદ બાદની સ્થિતિ અંગે સમીક્ષા
રાજ્યના ડેમોમાં જળસ્તરની સ્થિતિને લઇને ચર્ચા
તેમજ રાજ્યમાં પડેલા અનારાધાર વરસાદ બાદ ઓવરફલો થયેલા તમામ ડેમોના જળસંગ્રહ પર પણ ચર્ચા કરવામાં આવશે. આ ઉપરાંત આ બેઠકમાં રાજ્યમાં રોગચાળા અંગેના આંકડાનો અભ્યાસ થશે.
મોટર વ્હિકલ એક્ટનો મુદ્દો કેબિનેટમાં છવાશે
કેન્દ્ર સરકાર દ્વારા જેમ દર બુધવારે કેબિનેટની બેઠક યોજવામાં આવે છે તેમ રાજ્યમાં મુખ્યમંત્રીની અધ્યક્ષતામાં કેબિનેટની બેઠક યોજાય છે. ત્યારે આજરોજની મુખ્યમંત્રીની અધ્યક્ષતાવાળી કેબિનેટની બેઠકમાં સૌથી અગત્યનો મુદ્દો મોટર વ્હિકલ એકટ રહેશે. જેને લઇને મુખ્યમંત્રી રૂપાણીએ હાલમાં જ જાહેરાત કરી હતી કે નવો કાયદો આગામી 16 તારીખથી અમલમાં આવશે.
મુખ્યમંત્રીએ મોટર વ્હિકલ એક્ટને લઇને કરી હતી જાહેરાત
મુખ્યમંત્રીએ પત્રકાર પરિષદ કરીને નવા નિયમની જાહેરાત કરી હતી. જેમાં રાજ્યની સત્તા હેઠળ આવતાં દંડની જોગવાઇમાં ફેરફાર કર્યો હતો. આ જોગવાઇમાં રાજ્ય સરકાર દ્વારા કેટલાક દંડમાં ફેરફાર કરવામાં આવ્યો હતો.
રાજ્યમાં પડેલા વરસાદ બાદની સ્થિતિ અંગે સમીક્ષા
જ્યારે છેલ્લા થોડા સમયથી પડી રહેલા રાજ્યમાં અવિરત વરસાદને લઇને અનેક જિલ્લાઓમાં મેઘમહેર જોવા મળી રહી છે. જ્યારે રાજ્યમાં 100 ટકાથી પણ વધુ વરસાદ નોંધાયો છે. જ્યારે રાજ્યના અનેક જિલ્લાઓના ડેમ ઓવરફલો થઇ જતાં પાણી છોડવામાં આવતાં નિચાણા વાળા વિસ્તારોને એલર્ટ કરવામાં આવ્યાં છે. જ્યારે રાજ્યની જીવા દોરી સમાન સરદાર સરોવર નર્મદા ડેમ ઓવરફલો કોઇપણ ક્ષણે થશે. આમ રાજ્યમાં પડેલા વરસાદ બાદની સ્થિતિ અંગે બેઠકમાં સમીક્ષા કરવામાં આવશે.
રાજ્યની પેટાચૂંટણીને લઇને કવાયત અંગે ચર્ચા
જ્યારે બીજી તરફ રાજ્યની વિધાનસભાની 7 બેઠકની પેટાચૂંટણીની તારીખનું કોઇપણ સમયે એલાન કરવામાં આવી શકે છે. ત્યારે આગામી વિધાનસભાની પેટાચૂંટણીને લઇને કવાયત હાથ ધરવામાં આવશે. તેમજ પેટાચૂંટણીને લઇને સરકારી કામકાજની તૈયારીઓને આખરી ઓપ આપવા અંગે બેઠકમાં ચર્ચા કરવામાં આવશે.