સારા સમાચાર / ડેલ્ટા વૅરિયન્ટની દહેશત વચ્ચે વિશ્વના સૌથી મોટા વૈજ્ઞાનિકે આપ્યા રાહતના સમાચાર, તમારે જાણવા જરૂરી

• ડેલ્ટા વેરિયન્ટ 96 દેશોમાં ફેલાઈ ચૂકયો છે
• બધી જ વેક્સિન ડેલ્ટા વેરિયન્ટ પર પ્રભાવશાળી
• લોકો ખૂબ જ ઝડથી આ વેક્સિન લઈ જ લે

ડેલ્ટા વેરિયન્ટ 96 દેશોમાં ફેલાઈ ચૂકયો છે
કોરોનાનો ડેલ્ટા વેરિયન્ટ ઝડપથી ફેલાઈ રહ્યો છે અને તેનું સંક્રમણ બીજા બધા વેરિયન્ટ કરતાં ઝડપી છે અને વધુ છે તે વાત વાસ્તવિક છે પણ આ ઘણો ઘાતક છે.WHOએ કહ્યું છે કે આવનારા સમયમાં ડેલ્ટા વેરિયન્ટ સૌથી ખતરનાક વેરિયન્ટ સાબિત થશે. જે હાલ 96 દેશોમાં ફેલાઈ ચૂકયો છે. આ વેરિયન્ટ બીજા બધા વેરિયન્ટ કરતાં ઝડપથી ફેલાય છે અને તે સ્વાસ્થ્ય પર સૌથી વધુ અસર કરે છે.  

 
લોકો ખૂબ જ ઝડથી આ વેક્સિન લઈ જ લે
ભારતની સાથે સાથે ઘણાં બધા દેશો ડેલ્ટા વેરિયન્ટને સહન કરી રહ્યા છે અને હજી પણ તેનો ખતરો ટળ્યો નથી. ત્યારે જ અમેરિકાથી સારા સમાચાર આવ્યા છે. અમેરિકાના સ્વાસ્થ્ય સલાહકાર ડૉક્ટર એન્થોની ફાઉસીએ ગુરુવારે કહ્યું છે કે મોટાભાગની બધી જ વેક્સિન આ ઝડપથી ફેલાઈ રહેલ ડેલ્ટા વેરિયન્ટ પર પ્રભાવશાળી છે. સાથે જ તેમણે દુનિયાની સમગ્ર માનવજાતને અપીલ કરી હતી કે બધા જ લોકો ખૂબ જ ઝડથી આ વેક્સિન લઈ જ લે. 

બધી જ વેક્સિન ડેલ્ટા વેરિયન્ટ પર પ્રભાવશાળી
વ્હાઇટ હાઉસની કોવિડ 19 રિસ્પોન્સ ટીમ અને પબ્લિક હેલ્થના અધિકારીઓ સાથેની પ્રેસ કોનફેરેન્સમાં ફાઉસીએ કહ્યું કે પબ્લિક હેલ્થ ઈંગ્લેન્ડના જણાવ્યા મુજબ ફાયઝર બાયોએનટેક વેક્સિન ડેલ્ટા વેરિયન્ટ સામે 96 ટકા પ્રભાવશાળી છે. સાથે જ એસ્ટ્રજેનેકાના બંને ડોઝ 92 ટકા પ્રભાવશાળી છે. બીજી બાજુ જૉનસન એન્ડ જૉનસન કંપનીએ પોતાની વેક્સિનને લઈ દાવો કર્યો છે કે તેમની વેક્સિનનો એક જ ડોઝ ડેલ્ટા વેરિયન્ટ સામે પ્રભાવશાળી છે અને આઠ મહિના સુધી તેની ઇમ્યુનિટીની અસર રહે છે. કંપનીએ ડેલ્ટા વેરિયન્ટ સામે તેની અસરના પરિણામ તપાસવા માટે બે ટેસ્ટ પણ કર્યા હતા. પહેલો ટેસ્ટ આઠ લોકો પર કરવામાં આવ્યો હતો અને બીજો ટેસ્ટ રસી લીધેલા 20 દર્દીઓ પર કર્યો હતો.