તમને જાણીને નવાઈ લાગશે કે અફઘાનિસ્તાનમાં એક એવું ગામ છે જ્યાં મોટાભાગના લોકોના પેટમાંથી એક કિડની ગાયબ છે.
અફઘાનિસ્તાનમાં છે 'એક કિડનીવાળું ગામ'
માત્ર 2.5 લાખમાં લોકો વેચે છે કિડની
ભોજન માટે વેચી દે છે કિડની
મનુષ્યના શરીરમાં બે કિડનીઓ હોય છે. તેમાંથી એક કિડની કાઢી લેવામાં આવે તો પણ તે મનુષ્ય જીવીત રહી શકે છે. તમને જાણીને નવાઈ લાગશે કે અફઘાનિસ્તાનમાં એક એવું ગામ છે જ્યાં મોટાભાગના લોકોના પેટમાંથી એક કિડની ગાયબ છે. એટલે કે અહીં મોટાભાગના લોકો બેની જગ્યા પર એક જ કિડનીના સહારે જીવીત છે.
અફઘાનિસ્તાનમાં છે 'એક કિડનીવાળું ગામ'
એક રિપોર્ટ અનુસાર અફઘાનિસ્તાનના હેરાત શહેરની નજીક એક ગામ છે. તેનું નામ શેનશાઈબા બજાર છે. આ ગામ 'વન કીડની વિલેજ'ના નામથી દુનિયાભરમાં પ્રખ્યાત છે. જો તમે વિચારી રહ્યા છો કે આ તેની શારીરિક ખોડ છે, તો તમે ખોટું વિચારી રહ્યા છો. ખરેખર, અહીંના લોકો પોતાની એક કિડની વેચવા માટે મજબૂર છે. તેમને ભોજન માટે એક કિડની વેચવી પડે છે.
અફઘાનિસ્તાનના આ ગામના લોકો ગરીબીને કારણે એટલા લાચાર છે કે તેમને ભોજનની માટે શરીરના અંગો વેચવા પડે છે. હકીકતે તાલિબાની શાસન આવ્યા પછી અહીંના લોકો દુર્દશાથી પીડાઈ રહ્યા છે. જેના કારણે અહીંના લોકો માટે પોતાના પરિવારનું ભરણપોષણ કરવું મુશ્કેલ બની ગયું છે. અહીંના મોટાભાગના લોકોએ પોતાના પરિવારના સભ્યોને ખવડાવવા માટે તેમના શરીરની એક કિડની વેચી દીધી છે.
2.5 લાખમાં કિડની વેચો
પોતાની એક કિડની વેચ્યા બાદ તેમાંથી મળેલા પૈસાથી લોકો પોતાના પરિવારનું ભરણપોષણ કરી રહ્યા છે. અહીંના લોકો માટે 'બ્લેક માર્કેટ'માં કિડની વેચવી સામાન્ય બાબત છે. સ્થિતિ હવે એવી છે કે આ ગામના મોટાભાગના સ્ત્રી-પુરુષોએ પોતાની એક-એક કિડની વેચી દીધી છે. અહીં એક કિડની લગભગ 2 લાખ રૂપિયામાં વેચાય છે. અફઘાન ચલણમાં તે 250,000 છે.