ભારતમાં સતત વધતાં કોરોના વાયરસના કેસની વચ્ચે સંપૂર્ણ લૉકડાઉનની નિષ્ણાતો માંગ કરી રહ્યા છે ત્યારે દેશના કેટલાય રાજ્યો પહેલેથી જ લૉક થઈ ગયા છે.
ભારતમાં સતત વધતાં કોરોના કેસ
જુદા જુદા રાજ્યો થઈ ગયા લૉક
ભાજપ શાસિત રાજ્યો પણ લૉકડાઉનમાં
કહેર બનીને તૂટી છે લહેર
ભારત અત્યારે કોરોના વાયરસની બીજી ભયંકર લહેરનો સામનો કરી રહ્યો છે. આ લહેરમાં છેલ્લા ઘણા દિવસથી દરરોજ ત્રણથી ચાર લાખ કોરોના વાયરસના કેસ સામે આવી રહ્યા છે. આ સિવાય હોસ્પિટલોમાં બેડનો અભાવ અને ઑક્સીજન મળી નથી રહ્યો તથા પ્રજા પારવાર મુશ્કેલીનો સામનો કરી રહી છે ત્યારે આ સંકટ વહેલા જાય તેવી પ્રાર્થના દેશભરના નાગરિકો કરી રહ્યા છે. એવામાં હવે મોટા ભાગના રાજ્યો લૉકડાઉન તરફ વળ્યા છે.
કયા કયા રાજ્યો થઈ ગયા લૉક
રાજ્ય
શું નિર્ણય લેવાયો
રાજસ્થાન
10થી 24 મે સુધી કડક લૉકડાઉન
ઉત્તર પ્રદેશ
10 મે સુધી લૉકડાઉન લંબાવવામાં આવ્યું
દિલ્હી
19 એપ્રિલથી લૉકડાઉન લાગુ, 10 મે સુધી લંબાવવામાં આવ્યું
મહારાષ્ટ્ર
લોકોની અવર-જવર પર પ્રતિબંધ સહિતના કડક પ્રતિબંધો લાગ્યા છે જે 15 મે સુધી લંબાવવામાં આવ્યા
છત્તીસગઢ
15 મે સુધી લૉકડાઉન
બિહાર
પાંચ મે થી 15 મે સુધી સંપૂર્ણ લૉકડાઉન
ઓડિશા
19 મે સુધી કડક લૉકડાઉન લાગુ
પંજાબ
15 મે સુધી મિનિ લૉકડાઉન જેવી સ્થિતિ
કર્ણાટક
12 મે સુધી લૉકડાઉન લાગુ
પૂડુચેરી
10 મે સુધી લૉકડાઉન
મધ્ય પ્રદેશ
કોરોના કર્ફ્યૂ લાગુ જેમાં માત્ર આવશ્યક સેવાઓને જ છૂટ
તમિલનાડુ
કડક પ્રતિબંધ લગાવાયા
નાગાલેંડ
14 મે સુધી કડક પ્રતિબંધો સાથે લૉકડાઉન
એક બાદ એક લૉક થઈ રહ્યા છે રાજ્યો
કોરોના વાયરસની બીજી લહેરમાં જ્યારે વડાપ્રધાન મોદીએ રાષ્ટ્રના નામે સંબોધન કર્યું ત્યારે તેમણે લૉકડાઉનને અંતિમ વિકલ્પ રાખવા માટે રાજ્યોને સલાહ આપી હતી અને લૉકડાઉન બની શકે તો ન કરવા માટે જણાવ્યું હતું. જોકે રાજ્યોમાં પરિસ્થિતિ હાલમાં એ હદે બગડી છે કે ભાજપના રાજ્યો પણ લૉકડાઉન તરફ વળ્યા છે. દેશના કોંગ્રેસ શાસિત રાજ્યોમાં પણ લૉકડાઉન કરવામાં આવ્યું છે.
ગુજરાતમાં લૉકડાઉનને સરકારની ના
જોકે ગુજરાતમાં અત્યાર સુધી લૉકડાઉન કરવાનો સરકાર દ્વારા નિર્ણય કરવામાં આવ્યો નથી. રાજ્યના મોટા ભાગના શહેરોમાં રાત્રિ કર્ફ્યૂ લાગુ કરી દેવામાં આવ્યું છે જ્યારે અન્ય કડક પ્રતિબંધ પણ કરવામાં આવ્યા છે પણ લૉકડાઉન કરવામાં આવ્યું નથી.