Budget 2023 / યુવાનો માટે સૌથી મહત્વની જાણકારી: 47 લાખ લોકોને મળશે ભથ્થું, જોબ માટે બજેટમાં શું?

• બજેટમાં નોકરીને લઈને માત્ર 3 જાહેરાતો થઈ
• 47 લાખ યુવાનોને 3 વર્ષ માટે ભથ્થું અપાશે
• વિવિધ રાજ્યોમાં 30 સ્કિલ ઈન્ડિયા સેન્ટરો ખોલવામાં આવશે.

દેશનું બજેટ રજૂ થઈ ચુક્યું છે. નાણામંત્રી નિર્મલા સીતારમણે 2023નું કેન્દ્રીય બજેટ રજૂ કર્યું છે. કેન્દ્રીય બજેટ 2023માં શિક્ષણને અત્યાર સુધીનો સૌથી મોટો હિસ્સો મળ્યો છે. આ વર્ષે એજ્યુકેશન બજેટ 1.12 લાખ કરોડ રૂપિયાનું છે. નિર્મલા સીતારમણે પોતાના બજેટ ભાષણમાં યુવાનો માટે ઘણી જાહેરાતો કરી છે. તેમણે કહ્યું કે, તેમનું આ બજેટ રોજગાર સર્જનારી યોજનાઓ પર ધ્યાન કેન્દ્રિત કરે છે. એજ્યુકેશન અને જોબ સેક્ટર... બંનેને કેન્દ્રીય બજેટ 2023માં કંઈકને કંઈક મળ્યું છે.

30 સ્કિલ ઇન્ડિયા સેન્ટર ખોલવાની જાહેરાત
નાણામંત્રીએ આખા બજેટમાં માત્ર 4 વખત રોજગાર અથવા નોકરી શબ્દનો ઉપયોગ કર્યો છે. નાણામંત્રીએ તેમના ભાષણમાં પીએમ કૌશલ વિકાસ યોજનાના 4.0 વર્ઝનને લોન્ચ કરવાની વાત કરી હતી. બીજી તરફ યુવાનોને આંતરરાષ્ટ્રીય સ્તરે નોકરી માટે તૈયાર કરવા માટે વિવિધ રાજ્યોમાં 30 સ્કીલ ઈન્ડિયા સેન્ટર ખોલવાની જાહેરાત કરવામાં આવી હતી.

To skill the youth for international opportunities, 30 Skill India International Centres will be set up across different States: FM Nirmala Sitharaman

— ANI (@ANI) February 1, 2023

યુવાનો માટે રોજગાર સાથે સંબંધિત જાહેરાતો

- પીએમ કૌશલ વિકાસ યોજના 4.0 લોન્ચ કરવામાં આવશે, જેના દ્વારા ઓન જોબ ટ્રેનિંગ મળશે.
- 'યુનિફાઈડ સ્કિલ ઈન્ડિયા ડિજિટલ પ્રોગ્રામ' હેઠળ વિવિધ રાજ્યોમાં 30 સ્કિલ ઈન્ડિયા સેન્ટરો ખોલવામાં આવશે.
- 47 લાખ યુવાનોને સપોર્ટ આપવા માટે 'પાન ઈન્ડિયા નેશનલ એપ્રેન્ટીસશીપ સ્કીમ' શરૂ કરવામાં આવશે, જે અંતર્ગત 3 વર્ષ સુધી સ્ટાઈપેન્ડ (બેરોજગારી ભથ્થું) આપવામાં આવશે

તો આજના બજેટમાં નોકરીને લઈને માત્ર 3 જ જાહેરાતો થઈ. જો કે, 2023ના બજેટમાં FMએ પ્રોડક્શન લિંક્ડ ઇન્સેન્ટિવ (PLI) અને આત્મનિર્ભર ભારત રોજગાર યોજનાઓમાં નોકરીઓ ફાળવવા અંગે કોઈ ચર્ચા કરી નથી.

2022માં કેવી જાહેરાતો કરવામાં આવી હતી

5 વર્ષમાં 60 લાખ નોકરીઓની જાહેરાત 
14 સેક્ટર્સમાં 5 વર્ષની અંદર 60 લાખ નોકરીઓની જાહેરાત. 1.97 લાખ કરોડ રૂપિયાની આ પ્રોડક્શન લિંક્ડ ઇન્સેન્ટિવ (PLI) સ્કીમથી મેક ઇન ઇન્ડિયા અંતર્ગત ડોમેસ્ટિક પ્રોડક્ટ્સ પર સબસિડી આપવામાં આવે છે. 

અત્યાર સુધીમાં શું થયું?
31 જાન્યુઆરી 2023ના રોજ જારી કરવામાં આવેલા આર્થિક સર્વેક્ષણ અનુસાર, નાણાકીય વર્ષ 2022માં જણાવવામાં આવ્યું હતું કે પ્રોડક્શન લિંક્ડ ઇન્સેન્ટિવ (PLI) સ્કીમ અંતર્ગત 3 લાખ રોજગારી ઊભી થઈ. 

આત્મનિર્ભર ભારત યોજનામાં 16 લાખ નોકરીઓ
ઓક્ટોબર 2020માં લાગુ થયેલી આત્મનિર્ભર ભારત રોજગાર યોજના (ABRY) અંતર્ગત 16 લાખ નોકરીઓની જાહેરાત.

અત્યાર સુધીમાં શું થયું?
EPFOએ જૂન 2022ના રિપોર્ટમાં કહ્યું હતું કે, ઑક્ટોબર 2020થી માર્ચ 2022 વચ્ચે આત્મનિર્ભર ભારત યોજના અંતર્ગત નક્કી કરવામાં આવેલી 50.9 લાખ નોકરીઓની સામે 70.5 લાખ નોકરી આપવામાં આવી હતી. આ લક્ષ્યાંક કરતાં 28% વધુ છે. જોકે, EPFOએ વાર્ષિક ડેટા જાહેર કર્યો નથી.