GOOD NEWS / પૂર્વ ક્રિકેટર્સ અને અમ્પાયર્સ માટે BCCI એ ખોલી તિજોરી, માસિક પેન્શન વધારીને લગભગ ડબલ કરી દીધું

• IPLના મીડિયા રાઈટ્સની ઈ હરાજી થઈ હતી
• વિશ્વની સૌથી મોંઘી લીગની યાદીમાં સામેલ
• પ્રતિ મેચના 107.5 કરોડની લાગી બોલી

ઈન્ડિયન પ્રીમિયર લીગ (IPL) 2023 થી 2027 માટેના મીડિયા અધિકારોની ઈ-હરાજી કરવામાં આવી છે. આઇપીએલના ટીવી રાઇટ્સ પ્રતિ મેચ રૂ. 57.5 કરોડમાં અને ડિજિટલ રાઇટ્સ પ્રતિ મેચ રૂ. 50 કરોડમાં વેચાયા હતા. આ રીતે, પ્રતિ મેચ 107.5 કરોડ રૂપિયાની સંયુક્ત રકમ સાથે, IPL વિશ્વની સૌથી મોંઘી લીગની યાદીમાં સામેલ થઈ ગઈ છે. ઈ-ઓક્શનથી ધનવર્ષાની ખરાઈ થયા પછી, ભારતીય ક્રિકેટ કંટ્રોલ બોર્ડ (BCCI) એ સોમવારે ભૂતપૂર્વ મહિલા અને પુરુષ ક્રિકેટરો અને ભૂતપૂર્વ અમ્પાયરોને મોટી ભેટ આપી છે.

“It is mportant that the financial well-being of our former cricketers is taken care of. The players remain the lifeline of the game, it is our duty to be by their side once their playing days are over. The umpires hve been heroes and the BCCI truly values their contribution.”

— Sourav Ganguly (@SGanguly99) June 13, 2022

બીસીસીઆઈએ આ તમામ ક્રિકેટર્સ અને અમ્પાયર્સના માસિક પેન્શનમાં વધારો કર્યો છે. ભારતના ભૂતપૂર્વ કેપ્ટન અને BCCI પ્રમુખ સૌરવ ગાંગુલીએ કહ્યું કે ક્રિકેટ બોર્ડ માટે આપણા પૂર્વ ક્રિકેટરો અને અમ્પાયરોની આર્થિક સ્થિતિનું ધ્યાન રાખવું ખૂબ જ જરૂરી છે. તેણે કહ્યું, “આપણા ભૂતપૂર્વ ક્રિકેટરોની આર્થિક સ્થિતિનું ધ્યાન રાખવું ખૂબ જ મહત્વપૂર્ણ છે. ખેલાડીઓ લાઈફલાઈન રહે છે અને બોર્ડ તરીકે અમારી ફરજ છે કે એકવાર તેમના રમવાના દિવસો પૂરા થઈ જાય તો આપણે તેમની કાળજી લેવી જોઈએ. "

I’m pleased to announce an increase in the monthly pension of former cricketers (men & women) and match officials. Around 900 personnel will avail of this benefit and close to 75% of personnel will be beneficiaries of a 100% raise.

— Jay Shah (@JayShah) June 13, 2022

BCCI સેક્રેટરી જય શાહે જણાવ્યું હતું કે, "લગભગ 900 કર્મચારીઓને આ યોજનાનો લાભ મળશે, જેમાં 75 ટકાથી વધુ લાભાર્થીઓને 100 ટકાનો વધારો મળશે." બીસીસીઆઈના ટ્રેઝરર અરુણ સિંહ ધૂમલે કહ્યું હતું કે, "બીસીસીઆઈ આજે જે કંઇ પણ છે તે તેના ભૂતપૂર્વ ક્રિકેટરો અને અમ્પાયરોના યોગદાનને કારણે છે. અમે માસિક પેન્શનમાં વધારાની જાહેરાત કરતાં ખુશ છીએ, જે અમારા ભૂતપૂર્વ ક્રિકેટરો માટે એક સારો સંકેત બની રહેશે.