હેકિંગ / ATM હેક કરવું હવે હેકર્સ માટે માત્ર થોડી મિનિટોનો ખેલ

ATM હેક કરવા અત્યાર સુધી એકસપર્ટ હેકરની જરુર પડતી હતી, ક્લાઉડસેક નામની સ્ટાર્ટઅપ કંપનીએ શોધી કાઢ્યું છે કે ડાર્ક વેબ સેલર્સ હવે માલવેર કાર્ડ અને યુએસબી માલવેર કાર્ડસ વેચે છે. જેનાથી એટીએમ હેકીંગ આસાન થઇ જાય છે. ડાર્ક વેબ એટલે કે એવી વેબસાઇટસ જે હેકીંગ અને ચીટીંગ કરવા માટે બનાવાયેલી હોય છે. 

કંપનીના એક પ્રતિનિધિએ ડાર્ક વેબ પર આવા ટુલ્સ વેચતા લોકોનો સંપર્ક કર્યો હતો. તેમને ડાર્ક વેબ પરથી સેલરે એટીએમ માલવેર કાર્ડ, પિન ડિસ્ક્રિપ્ટર, ટ્રીગર કાર્ડ અને તેનો કેવી રીતે યુઝ કરવો તેની જાણકારી સાથેનું પેકેજ આપવાની તૈયારી બતાવી હતી. આ ટુલ્સની મદદથી કોઇપણ વ્યકિત એટીએમમાં તમામ કાર્ડની ડિટેઇલ વાંચી શકે છે અને પૈસા ટ્રીગર કાર્ડથી વિથડ્રો કરી શકે છે.

સેલરે ઇવીએમ સ્કીમર તરીકે ઓળખાતું ડિવાઇસ વેચવાની પણ ઓફર કરી હતી. આ ઉપરાંત માલવેર સાથેની યુએસબી ડ્રાઇવ લગાવીને પણ એટીએમ હેક કરી શકાય છે. એટીએમ હેક કરવા ડાર્ક વેબ પર જીએસએમ રીસીવર, ડીપ ઇન્સર્ટ જેવા ટુલ્સ પણ આસાનીથી મળે છે. 

દુનિયાભરના એટીએમ મશીન એક સરખા સોફ્ટવેરનો ઉપયોગ કરે છે. તેથી આ હેકીંગ ટુલ્સ લગભગ તમામ એટીએમમાં હેક કરી શકે છે. આ તમામ ટુલ્સ સામાન્ય રીતે વિન્ડોઝ એકસપી આધારિત સિસ્ટમને નિશાન બનાવે છે. કેટલાક ટુલ્સ તો એવા છે જેનો ઉપયોગ કરતી વખતે એટીએમને અડવાની પણ જરુર પડતી નથી.